Улады Эстоніі дэмантавалі савецкія помнікі ў пераважна рускамоўнай Нарве
Свае дзеянні эстонскія ўлады патлумачылі тым, што хочуць не дапусціць павышэння ўзроўню варожасці ў грамадстве. «Улічваючы, як хутка нарастае напружанасць і блытаніна вакол мемарыялаў у Нарве, мы павінны дзейнічаць хутка, каб забяспечыць грамадскі парадак і ўнутраную бяспеку», — заявіла прэм'ер-міністарка Кая Калас.
Раніцай у аўторак паліцыя і вайскоўцы ачапілі перыметр вакол гістарычнага танка Т-34, які быў асноўным савецкім вайсковым помнікам у Нарве, пагрузілі яго на платформу аўтатрэйлера і са спецыяльным суправаджэннем вывезлі з горада.
Танк адправілі ў Эстонскі вайсковы музей, які знаходзіцца на ўскраіне Таліна ў былой рэзідэнцыі генерала Ёхана Лайданэра і дзе займаюцца вывучэннем войнаў, якія закраналі Эстонію цягам стагоддзяў.
Нарвенскі танк грузілі на прычэп чатыры гадзіны, падлічыла агенцтва BNS. У гэты час быў перакрыты папулярны памежны пераход з Нарвы ў расійскі Івангорад. Пра гэта раніцай паведамілі спачатку ахвотныя перасекчы мяжу, а затым расійскія мытнікі.
Паліцыя Нарвы яшчэ раніцай папярэджвала аб перакрыцці руху каля нарвенскага танка і бліжэйшых помнікаў, якое закране ў тым ліку пагранпераход у цэнтры горада, які карыстаецца папулярнасцю ў жыхароў Пецярбурга і Ленінградскай вобласці.
Паведамленняў пра пратэсты ў сувязі з дэмантажом помніка не паступала. Аднак паліцыя затрымала дзевяць чалавек, якія спрабавалі заклікаць іншых да гвалтоўнага супрацьстаяння, паведамляе выданне Delfi. Паводле яго звестак, да вечара да месца, дзе стаяў танк, пачалі сцягвацца людзі. Яны прыходзілі з кветкамі і свечкамі.
Пакуль грузілі танк, спецыялісты дэмантавалі і іншыя савецкія памятныя знакі: мемарыяльную дошку на цэнтральнай Пятроўскай плошчы (з-за гэтага і была парушаная праца мяжы), абеліск каля Нарвенскага замка і манумент «Тры штыкі»
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары