ПВК «Вагнер» утрымлівае 85% Бахмута і сыходзіць пакуль не збіраецца — СМІ
Выданне Politico перадае са спасылкай на свае крыніцы ў амерыканскай адміністрацыі, што найміты ПВК «Вагнер» па-ранейшаму ўтрымліваюць значную частку Бахмута, валодаюць значнымі запасамі боепрыпасаў і зброі і, нягледзячы на вялікія страты, не плануюць пакідаць горад.
На мінулым тыдні заснавальнік ПВК «Вагнер» Яўген Прыгожын прыгразіў, што яго найміты пакінуць горад, бо вайсковае кіраўніцтва не забяспечвае іх боепрыпасамі.
Пасля гэтага ён заявіў, што яго сілы застануцца ў Бахмуце і што «вагнераўцам» паабяцалі даць дастатковую колькасць боепрыпасаў. Затым, зрэшты, Прыгожын зноў паскардзіўся, што гэтыя абяцанні не выконваюцца, і прызнаў, што ў апошні дзень УСУ ўдалося правесці ўдалую контратаку.
Нягледзячы на пагрозы Прыгожына пакінуць Бахмут, яго найміты ўтрымліваюць, прынамсі, 85% тэрыторыі горада, сказана ў публікацыі.
Як распавялі выданню Politico на ўмовах ананімнасці дасведчаныя амерыканскія крыніцы, яны не валодаюць сведчаннямі таго, што найміты плануюць пакінуць Бахмут.
«Амерыканскія чыноўнікі кажуць, што апошнім заявам Прыгожына пра Бахмут верыць нельга, і хутчэй за ўсё яны былі патрэбныя, каб справакаваць рэакцыю маскоўскага абароннага апарату — прымусіць Маскву адпраўляць больш узбраенняў», — пішуць аўтары.
Хоць перамога ў бітве за Бахмут стала б для Кіева важным сімвалічным жэстам, заходнія саюзнікі перасцерагаюць Украіну ад расходавання тут замнога сродкаў, прапаноўваючы выкарыстоўваць зброю і людзей на больш перспектыўных напрамках у ходзе чаканага вяснова-летняга наступу.
Прыгожын заявіў, што выведзе вагнераўцаў з Бахмута. Што думаюць на гэты конт УСУ
Прыгожын заявіў, што выведзе «Вагнер» з Бахмута 10 мая
«Дзе, б***, боепрыпасы?» Прыгожын паказаў поле, усцеленае трупамі вагнераўцаў, і абмацюкаў Шайгу і Герасімава
Істэрыкі Прыгожына паказваюць, што Расія можа быць бліжэйшай да 1917 года, чым мы думаем
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары