Вайна

Кітай мог прадаць Рамзану Кадыраву свае новыя бронеаўтамабілі Tiger — Ukraine Weapons Tracker

Украінская маніторынгавая група па кантролі за ўзбраеннямі заўважыла ў свежым відэа Рамзана Кадырава новыя бронемашыны Tiger 4x4, якія Кітай ствараў спецыяльна для міжнароднага рынку. Гэта можа стаць першым выпадкам вайсковых паставак Кітая ў Расію з пачатку поўнамаштабнай вайны ва Украіне.

Кітайскія бронемашыны Tiger 4x4 вытворчасці абароннай кампаніі Shaanxi Baoji Special Vehicles Manufacturing, чый асноўны офіс знаходзіцца ў правінцыі Шэньсі, Кітай. Фота: скрыншот відэа з тэлеграм-канала Рамзана Кадырава

Кіраўнік Чачні Рамзан Кадыраў у сваім тэлеграм-канале 6 чэрвеня выклаў відэа, у якім паказваецца новая ваенная тэхніка, закупленая для патрэб чачэнскіх падраздзяленняў у вайне супраць Украіны.

Як паведамляе маніторынгавая група Ukraine Weapons Tracker, сярод паказанай чачэнскай тэхнікі на відэа можна таксама заўважыць мінімум 8 новых бронемашын Tiger 4x4 вытворчасці кітайскай абароннай кампаніі Shaanxi Baoji Special Vehicles Manufacturing, чый асноўны офіс знаходзіцца ў правінцыі Шэньсі, Кітай.

Па інфармацыі ўкраінскай маніторынгавай групы, гэтая версія ваенных бронеаўтамабіляў была спецыяльна створаная Кітаем для продажу іншым краінам.

«Гэта першая кітайская ваенная бронемашына на ўзбраенні Расіі з моманту пачатку вайны ва Украіне. Рамзан Кадыраў якраз паказаў мінімум 8 з іх на відэа, знятым каля яго асабістага палаца. Машыны Tiger 4x4 лічацца адным з асноўных відаў ваеннай дапамогі, які кітайскі ўрад аказвае шматлікім краінам свету. Транспартныя сродкі такога класа нельга прадаць без адпаведнага дазволу на вываз», — паведаміла група Ukraine Weapons Tracker у сваім твітары.

Пры гэтым сам Кадыраў ніяк не згадаў паходжанне закупленай тэхнікі для чачэнскіх падраздзяленняў.

Нагадаем, што з пачатку поўнамаштабнага расійскага ваеннага ўварвання ва Украіну Кітай абраў пазіцыю нейтралітэту і няпродажу сваіх узбраенняў ніводнаму з бакоў канфлікту. Плюс да ўсяго Кітай выступіў супраць размяшчэння расійскай ядзернай зброі ў Беларусі.

Аднак у той жа час кітайскі ўрад, па інсайдарскай інфармацыі заходніх медыя, валодае планамі і магчымасцямі пастаўляць ваенную дапамогу Расіі, а таксама таемна патрабуе ад Захаду пагадзіцца пакінуць акупаваныя ўкраінскія тэрыторыі за Расіяй. 

Каментары

Цяпер чытаюць

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам

Усе навіны →
Усе навіны

У Рэчыцы гарэў прыватны сектар1

Макс Корж выступіць на стадыёне ў Варшаве. Некалькі вуліц перакрыюць і зменяць рух транспарту 9 жніўня9

Генплан Мінска будуць змяняць. Гараджане могуць агучыць прапановы7

Ціханоўская звярнулася да беларусаў з нагоды пятай гадавіны пратэстаў24

У Мінску ўзброеныя сілавікі затрымалі індывідуальнага прадпрымальніка1

«Байсол» выставіць на аўкцыён лімітаваную серыю гадзіннікаў6

ChatGPT прадставіў новую мадэль GPT-5. Вось што ў ёй новага і што абяцаюць распрацоўшчыкі2

Ізраільскія ўлады ўхвалілі план Нетаньяху па акупацыі горада Газа16

Трамп анансаваў падпісанне мірнай дамовы паміж Азербайджанам і Арменіяй сёння ў Белым доме2

больш чытаных навін
больш лайканых навін

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам9

«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам

Галоўнае
Усе навіны →

Заўвага:

 

 

 

 

Закрыць Паведаміць