У пракрамлёўскай радыёстанцыі «Sputnik Армения» адклікалі ліцэнзію на месяц. Прычына — выказванні вядучага Тыграна Кеасаяна, якія «прыніжаюць гонар і годнасць краіны». Адпаведнае рашэнне прыняла камісія па тэлебачанні і радыё Арменіі.
Фармальна ліцэнзія была адкліканая ў радыёстанцыі «Тоспа», якая рэтранслюе сігнал «Sputnik Армения». «Тоспа» таксама аштрафаваная за 500 тысяч драмаў (каля 1,2 тысяч даляраў).
Рашэнне аб прыпыненні вяшчання звязана з перадачай «Пятніца з Тыгранам Кеасаянам». Як піша «Sputnik Армения», рэгулятар лічыць, што Кеасаян «дапусціў іранічныя і прыніжаючыя гонар і годнасць краіны і народа выказванні, не маючы на гэта маральнага права як замежны грамадзянін».
Тыгран Кеасаян — расійскі акцёр, рэжысёр і тэлевядучы армянскага паходжання, муж топавай расійскай прапагандысткі, галоўнай рэдактаркі Russia Today Маргарыты Сіманьян. Сам ён таксама ў сваіх праграмах праводзіць прарасійскую прапаганду.
Штраф радыёстанцыі выпісалі з-за аўтарскай праграмы былога дэпутата парламента Арменіі Арама Абавяна «Абовян Time», вядучы якой, як сцвярджаецца, «распаўсюджвае паніку і робіць выказванні, заснаваныя на неправераных і недакладных крыніцах».
У верасні ў Арменіі затрымалі прарасійскага блогера Мікаэла Бадаляна і супрацоўніка прапагандысцкага выдання «Sputnik Армения» Ашота Геваркяна. Праўда, іх вызвалілі ў той жа дзень.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары