Новую працу вядомага англійскага мастака Бэнксі ў Лондане вандалы аблілі белай фарбай яшчэ да таго, як мясцовыя ўлады паспелі паставіць ахоўныя агароджы, піша The Telegraph.
Фота: twitter.com/MrMatthewTodd
Кампазіцыя з'явілася на сцяне будынка на поўначы брытанскай сталіцы 17 сакавіка. Яна ўяўляе сабой зялёны фон, які нагадвае лістоту, перад падпілаваным дрэвам. Таксама там быў сілуэт чалавека, які трымае ў руках шланг для палівання.
Бэнксі пацвердзіў сваё аўтарства гэтай карціны ў сваіх сацсетках. Кампазіцыя прыцягнула многіх людзей, якія прыйшлі зрабіць сэлфі. Але пратрымалася яна зусім нядоўга.
Каментары