Сіноптыкі анансавалі чарговае пахаладанне. А ў панядзелак чакаюцца складаныя ўмовы надвор'я
Прагноз надвор'я па Беларусі на 6-8 мая
У панядзелак на большай частцы тэрыторыі краіны пройдуць дажджы. Уначы месцамі, днём у многіх раёнах прагрымяць навальніцы, днём пры навальніцах месцамі чакаюцца моцныя залевы.
Днём месцамі па краіне шквалістае ўзмацненне ветру парывамі 15-20 м/с. Ноччу +5..+11°С, па заходняй палове +12..+14°С; максімальная днём +16..+22°С, у паўднёва-ўсходніх раёнах да +25°С, па паўночнай палове краіны месцамі +9..+15°С. У Мінску +18°С.
7 мая чакаецца паступленне халодных паветраных мас з поўначы Еўропы. Уначы на большай частцы тэрыторыі, днём пераважна па паўднёвым усходзе пройдуць дажджы. У начны час у паўднёва-ўсходніх раёнах краіны магчымы навальніцы. Вецер днём па ўсходзе месцамі моцны парывісты. Ноччу +5..+10°С, у паўднёвых раёнах да +13°С, па поўначы +2+4°С; максімальная днём ад +8°С па паўночным усходзе да +17°С па поўдні. У Мінску +12°С
8 мая пераважна без ападкаў. Ноччу +1..+5°С, месцамі чакаюцца замаразкі 0..-3°С; максімальная тэмпература днём ад +8°С па паўночным усходзе да +17°С па паўднёвым захадзе краіны. У Мінску ўсяго +10°С.
І такое надвор'е, паводле папярэдніх прагнозаў, захаваецца да канца тыдня.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»4
Каментары