Грамадства77

«Мы прыйдзем менавіта ў гэтае месца, менавіта сюды». Вольга Чамаданава расказала, як крэатыўна сёлета будуць праводзіць выпускныя

Былая прэс-сакратарка МУС, а цяпер галоўная адказная за ідэалогію па Мінску Вольга Чамаданава расказала ў эфіры тэлеканала АНТ, як павінны быць арганізаваныя выпускныя вечары. Выглядае, што самастойнасці вучням не дазволяць нават пры выбары месца сустрэчы світанку.

Паводле меркавання Чамаданавай, ісці ў рэстараны адзначаць выпуск школьнікам сэнсу няма ніякага, бо там няма нічога цікавага. Яна сама ўвогуле «не разумее, якія могуць быць успаміны адтуль». Іншая рэч — школьныя будынкі, у якіх будзе арганізаваная сапраўды цікавая дзецям праграма.

Школам, як сцвярджае Чамаданава, дазваляецца запрашаць на вечары сустрэчы абсалютна любых артыстаў і вядучых, «сёння гэта ўрэгулявана на заканадаўчым узроўні».

Ёсць толькі адно нязначнае патрабаванне — праграма павінна адпавядаць густу дырэктара навучальнай установы і быць узгодненая з ідэолагамі. 

«Усе прапановы, вядома ж, павінны быць улічаныя дырэктарам установы адукацыі, праграма ўзгадняецца з упраўленнем культуры: хто запрашаецца на выпускныя вечары».

І добра яшчэ, што прынамсі магчымасць выбару ў цяперашніх выпускнікоў пакуль дапускаецца прынамсі тады, калі яны ўжо праз шмат гадоў будуць арганізоўваць сустрэчы з былымі аднакласнікамі. Там будзе дапушчальны нават рэстаран: 

«Тут яны ўжо будуць вольныя, самастойна прымаць рашэнні, дзе ж яны гэтую сустрэчу арганізуюць. А цяпер для выпускнікоў застаецца галоўным момант развітання са школай».

Месцы для сустрэчы выпускнікамі світанку таксама выбіраюць школы, але і яны не павінны быць выпадковымі:

«Калі гэта ў сельскай школе, то я нават не бяруся меркаваць, безумоўна, гэта традыцыйна, месца каля вадаёма, як правіла. Ну, дзе ж яшчэ можна сустракаць світанак?

Вядома, гэта ўжо загадзя падрыхтаванае пэўнае месца: мы прыйдзем менавіта ў гэтае месца, менавіта сюды, пабачым, як будзе ўзыходзіць сонца, і радавацца таму, што надышоў новы дзень, а новы дзень — гэта новае жыццё.

У гарадскіх школах, разумееце, як бы там ні было, усе выбіраюць сваю пляцоўку, але яна ўсё роўна непарыўна звязана са школай», — патлумачыла Чамаданава.

Пры гэтым, на яе думку,

«самае галоўнае — гэта крэатыўна да гэтай справы паставіцца».

Каментары7

  • Bhagawan
    04.06.2024
    Čudzišča lasnoje...
  • "цікавая дзецям праграма"
    04.06.2024
    Якія яшчэ "дзеці"? Выпускнікам 18 гадоў. Самым малодшым 17 гадоў і 9 месяцаў.
  • Алек. Ру
    04.06.2024
    Нууууу, там, дзе чамаданіха прыклала свае ручонкі, нічога добрага чакаць не прыйдзецца. Не зайздрошчу я выпускнікам лукашыстская Беларусі .
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць