Не выключана, што пасля ізраільскага ўдару Іран год не зможа вырабляць балістычныя ракеты. І гэта дрэнная навіна для «Хезбалы» і хусітаў.
Удар Ізраіля паралізаваў вытворчасць балістычных ракет у Іране, перадае Axios са спасылкай на крыніцы.
«Удар у адказ Ізраіля па Іране вывеў са строю крытычны кампанент іранскай праграмы па распрацоўцы балістычных ракет… Ізраіль нанёс удар па 12 «планетарным змяшальнікам», якія выкарыстоўваліся для вытворчасці цвёрдага ракетнага паліва для балістычных ракет далёкага дзеяння, якія з'яўляюцца асноўнай часткай ракетнага арсенала Ірана», — гаворыцца ў публікацыі.
Па словах суразмоўцаў выдання, пашкоджаныя аб'екты — «вельмі складанае абсталяванне», якое Іран не вырабляе, а заказвае за мяжой, і на іх аднаўленне «можа пайсці мінімум год». Высокапастаўлены амерыканскі чыноўнік пацвярджае словы суразмоўцаў партала, заяўляючы, што ўдар «паралізаваў» магчымасці па вытворчасці ракет у Іране.
Акрамя таго, крыніцы з Ізраіля сцвярджаюць, што падчас удару былі пашкоджаныя чатыры батарэі СПА, якія абаранялі Тэгеран, а таксама ядзерныя і энергетычныя аб'екты інфраструктуры Ірана.
У ноч на суботу Армія абароны Ізраілю заявіла аб нанясенні ўдараў па вайсковых аб'ектах у Іране ў рамках адказу на атакі на Ізраіль 1 кастрычніка.
-
У ГРУ падзякавалі амерыканцам за вызваленне зняволеных украінцаў і адзначылі «канструктыўную пазіцыю кіраўніцтва Беларусі»
-
Орбан пагражае заблакаваць еўрапейскую дапамогу Украіне, калі не будзе безумоўна прыняты план Трампа
-
«Мама, я дома!» — «Як дома?!» Адна з вызваленых украінак — дзяўчына Юлія ВІДЭА
Цяпер чытаюць
Вызваленая 18‑гадовая палітзняволеная Марыя Місюк8
Каментары