Свет11

Фінляндыя выявіла сляды ад якара на дне Балтыйскага мора пасля пашкоджання кабеля

У пашкоджанні электракабеля Estlink 2 паміж Фінляндыяй і Эстоніяй падазраецца танкер «ценявога флоту» Eagle S, які перавозіў расійскую нафту ў абыход санкцый, піша «Голас Амерыкі».

Ілюстрацыйнае фота 

Фінская паліцыя заявіла ў нядзелю, што выявіла сляды, якія цягнуцца на дзясяткі кіламетраў па дне Балтыйскага мора. Танкер, які перавозіў расійскую нафту, падазраецца ў тым, што сваім якарам перарэзаў лінію электраперадачы і чатыры тэлекамунікацыйныя кабелі.

У чацвер судна Eagle S, зарэгістраванае на Астравах Кука, было затрымана фінскай паліцыяй і супрацоўнікамі берагавой аховы. Экіпаж затрыманага танкера дапытваюць.

Краіны Балтыйскага мора знаходзяцца ў стане павышанай гатоўнасці пасля серыі пашкоджанняў сілавых кабеляў, тэлекамунікацыйных ліній і газаправодаў з часу ўварвання Расіі ва Украіну ў 2022 годзе. У пятніцу ў NATO заявілі, што альянс узмоцніць сваю прысутнасць у рэгіёне.

У сераду ў абед адбыўся абрыў электракабеля Estlink 2 магутнасцю 658 мегават (МВт) паміж Фінляндыяй і Эстоніяй, і цяпер абедзве краіны злучае толькі Estlink 1 магутнасцю 358 МВт, паведамілі аператары электрасетак. Паводле іх слоў, Estlink 2 можа быць адноўлены не раней за жнівень.

Фінская паліцыя падазрае, што судна Eagle S нанесла шкоду, працягнуўшы свой якар па марскім дне.

Следчыя выявілі «след», але пакуль не знайшлі зніклы якар, гаворыцца ў заяве Самі Пайла, кіраўніка тактычнай групы і галоўнага інспектара Нацыянальнага бюро расследаванняў Фінляндыі.

«Даўжыня следу складае дзясяткі кіламетраў», — сказаў Пайла.

На фотаздымках, зробленых у пятніцу, відаць, што ў судна Eagle S адсутнічае якар па левым борце.

Мытная служба Фінляндыі лічыць, што судна з’яўляецца часткай «ценявога флоту» састарэлых танкераў, якія выкарыстоўваюцца для абыходу санкцый на экспарт расійскай нафты.

Каментары1

  • Скажыце мне,
    31.12.2024
    калі гэта не падрыхтоўчыя дыверсіі 3-ай Сусветнай, то што гэта?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію

Усе навіны →
Усе навіны

Баравікі, бабкі, маслякі, апенькі… Па ўсёй Беларусі ўжо актыўна збіраюць грыбы

Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён17

На Нямізе кіроўца на BMW вылецеў на сустрэчную і сутыкнуўся з маршруткай ВІДЭА2

Расіяне вядуць наступленне на Сумшчыне і маюць пэўныя поспехі2

У Еўропе донар спермы з мутацыяй, што выклікае рак, стаў бацькам 67 дзяцей

«Чыстая выпадковасць»: фільм пра помсту палітзняволеных атрымаў Залатую пальмавую галіну ў Канах8

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам64

У Турцыі знікла беларуска з хлопчыкам2

Колю Лукашэнку занеслі на дошку гонару БДУ15

больш чытаных навін
больш лайканых навін

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4

«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію

Галоўнае
Усе навіны →

Заўвага:

 

 

 

 

Закрыць Паведаміць