«Мы павінны пакласці канец гэтай вайне». Трамп распавёў аб падрыхтоўцы сустрэчы з Пуціным
«Пуцін хоча сустрэцца, і мы вядзем падрыхтоўку», — сказаў Трамп журналістам.
Абраны прэзідэнт ЗША Дональд Трамп заявіў, што цяпер ідзе працэс падрыхтоўкі яго сустрэчы з прэзідэнтам Расіі Уладзімірам Пуціным, піша Бі-бі-сі.
«Ён хоча сустрэцца, і мы вядзем падрыхтоўку», — сказаў Трамп журналістам перад сустрэчай з губернатарамі-рэспубліканцамі ў сваёй рэзідэнцыі ў Мар-а-Лага ў Фларыдзе.
«Прэзідэнт Пуцін хоча сустрэцца. Ён заяўляў пра гэта нават публічна, і мы павінны пакласці канец гэтай вайне», — дадаў Трамп, маючы на ўвазе вайну ва Украіне, якую ён неаднаразова абяцаў скончыць, але не ўдакладняў, як менавіта плануе гэта зрабіць. Калі можа адбыцца сустрэча, Трамп таксама не ўдакладніў.
Крэмль словы Трампа пакуль не каментаваў, аднак напярэдадні прэс-сакратар Пуціна Дзмітрый Пяскоў казаў журналістам, што калі Трамп захавае намер звязацца з расійскім прэзідэнтам пасля інаўгурацыі 20 студзеня, то ў Маскве гэта будуць толькі вітаць.
«У выпадку, калі пасля ўступлення на пасаду палітычная воля да аднаўлення кантактаў на вышэйшым узроўні захаваецца, то, вядома, прэзідэнт Пуцін гэта будзе толькі вітаць», — сказаў ён. Трамп раней дапускаў, што перамовы з Пуціным могуць прайсці на працягу шасці месяцаў пасля яго ўступлення на пасаду.
Пяскоў у чацвер сказаў, што пакуль запытаў на такую сустрэчу ад амерыканскага боку не паступала.
Сам Пуцін на прамой лініі ў снежні казаў, што гатовы сустрэцца з Трампам.
У лістападзе, праз тыдзень пасля перамогі Дональда Трампа на прэзідэнцкіх выбарах, газета Washington Post пісала, што абраны прэзідэнт пагаварыў па тэлефоне з Пуціным і абмеркаваў вайну ва Украіне.
У Крамлі гэтую інфармацыю назвалі «чыстай выдумкай».
-
Пасланнік Трампа Келаг кіраваўся ў Польшчу, калі яе атакавалі расійскія дроны
-
Джэй Дзі Вэнс: Трамп не бачыць ніякіх прычын, каб эканамічна ізаляваць Расію пасля вайны
-
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны
Цяпер чытаюць
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1212
Каментары