У Беларусі плануецца ўвесці дыплом даследчыка для тых, хто паспяхова завяршыў вучобу ў аспірантуру. Пра гэта паведаміў журналістам першы намеснік міністра адукацыі Аляксандр Жук 11 сакавіка ў Мінску на сустрэчы кіраўніцтва Мінадукацыі з дэлегацыяй рэктараў ВНУ з Казахстана.
Паводле яго слоў, такая мера неабходная для стымулявання ўдзелу моладзі ў навукова‑даследчай працы. Дакумент мяркуецца выдаваць тым аспірантам, якія на працягу трохгадовага тэрміна навучання прадставілі кандыдацкую дысертацыю да абароны ці рыхтуюцца гэта зрабіць, а таксама выканалі свой індывідуальны план працы.
Як паведаміў Жук,
цяпер працэнт абароны кандыдацкіх дысертацый у тэрмін невялікі і складае каля 4%.
Разам з тым, паводле яго слоў, аспіранты, як правіла, больш падрыхтаваныя, чым выпускнікі ВНУ, маюць вопыт працы ў навуцы, навуковыя публікацыі. Мяркуецца, што ўладальнікі дыплома даследчыка змогуць займаць больш высокія пасады — «не малодшага навуковага супрацоўніка, а старэйшага, не асістэнта, а старэйшага выкладчыка ў ВНУ».
Як паведаміў першы намеснік міністра, законапраект аб увядзенні дыплома даследчыка рыхтуе Вышэйшая атэстацыйная камісія Беларусі.
Цяпер чытаюць
Мінскі гарадскі суд не вытрымлівае нагрузкі — не паспяваюць судзіць палітвязняў2
Каментары