Пералік тавараў, на якія рэгулююць цэны, скарацілі на 120 пазіцый. Пасля апошніх змяненняў пастановы №713 у ім засталося 211 пунктаў. Office Life склаў спіс самых папулярных тавараў, цэны на якія цяпер будуць свабоднымі.
Прадукты
Больш за ўсё з пераліку тавараў, на якія рэгулююць цэны, выкраслена прадуктаў. Так, з яго выключылі мясныя катлеты, а таксама піражкі, чабурэкі, бліны і варэнікі з тварагом. Сярод такіх тавараў таксама вяршкі з каровінага малака і плаўленыя сыры.
Не будуць рэгуляваць цэны і на некаторыя слодычы напрыклад, на халву, тарты, пірожныя, какосавы парашок, а таксама на сухары і сушкі.
Што тычыцца гародніны, выкраслены баклажаны, кроп, пятрушка, салата. А па садавіне — ківі, персікі, нектарыны, сухафрукты.
Электратавары
Цэны на электрычныя лямпы і люстры, пасудамыйныя машыны, трымеры і электрабрытвы, электрычныя разеткі і падаўжальнікі больш не падлягаюць рэгуляванню. Пад свабодныя цэны таксама трапілі матацыклы і скутары.
Мэбля
З пераліку рэгуляваных тавараў зніклі абедзенныя, пісьмовыя і камп’ютарныя сталы, крэслы і табурэткі. Свабодна фарміруюцца цэны і на наборы мяккай мэблі, гарнітуры для пярэдняга пакоя, мэблю для ваннай пакоя і спальні. Акрамя таго, адпусцілі і цэны на ўсе віды дывановых пакрыццяў.
Тэкстыльныя вырабы
Рэгуляванне цэн знята з коўдраў, пакрывалаў, абрусаў, штор, фіранак і жалюзі. У выніку можна чакаць падаражання на тэкстыль для дома. У галантарэі прыбралі абмежаванні са скураных пальчатак, сумак, рамянёў, мужчынскіх гальштукаў і парасонаў.
Іншая культурна-побытавая прадукцыя
Цэны на лічбавыя фотакамеры, музычныя інструменты, смартфоны, планшэты, камп’ютары і наўтбукі цяпер таксама не рэгулююцца.
Нагадаем, што 2 красавіка ўрад падпісаў чарговую версію пастановы № 713 (6), а 3 красавіка дакумент быў афіцыйна апублікаваны на Нацыянальным прававым партале. Асноўныя нормы новай пастановы ўступаюць у сілу праз месяц, а некаторыя — з 15 красавіка.
Цяпер чытаюць
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім7
Каментары