У гандлёвым цэнтры Galleria Minsk з'явілася незвычайная інсталяцыя ФОТЫ
Незвычайная інсталяцыя з'явілася ў сталічным ГЗЦ Galeria Minsk. Першы паверх шопінг-мола ўпрыгожылі 5-метровыя кветкі, а ў атрыуме «павіслі» аблокі, піша «Смартпрэс».
Як расказалі прадстаўнікі гандлёвага цэнтра, пры стварэнні інсталяцыі дэкаратары натхняліся прыродай Беларусі. Таму ў кветніку можна заўважыць рамонкі, браткі, дзьмухаўцы, званочкі, цюльпаны, гіпсафілы і нарцысы. Усе элементы дэкору — ад фактуры пялёсткаў і лісця да маленькай багоўкі на адной з раслін — былі створаныя ўручную.
Дарэчы, адна з кветак — «жывая»: яна адкрывае пялёсткі з інтэрвалам у хвіліну на працягу 2 гадзін, пасля чаго бярэ невялікі перапынак — і зноў радуе наведвальнікаў ГЗЦ.
Што тычыцца аблокаў, то іх можна ўбачыць, прагуляўшыся па паверхах мола — або падняўшыся на панарамным ліфце. У кожным воблаку схавана два віды падсвятлення: выглядае гэта вельмі «інстаграмна».
На стварэнне дэкарацый спатрэбілася паўтара месяца, а мантаж канструкцый заняў больш за 10 начэй. Атрымліваць асалоду ад вынікаў наведвальнікі Galleria Minsk змогуць да верасня. Прадстаўнікі ГЗЦ адзначылі, што на працягу гэтага часу на інсталяцыі з'явяцца таксама новыя элементы і дэталі.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі11
Каментары