Мінская міліцыя апублікавала карту, на якой адзначаны забароненыя для курэння месцы. Што трапіла ў спіс забароны?
У спіс забароненых месцаў трапілі:
- пляжная зона Камсамольскага возера;
- пляжная зона Цнянскага вадасховішча;
- парк культуры і адпачынку імя Чалюскінцаў;
- Цэнтральны батанічны сад;
- цэнтральны парк імя Горкага;
- парк культуры і адпачынку імя 900-годдзя Мінска;
- Мінскі заапарк;
- Лошыцкі сядзібна-паркавы комплекс;
- плошча Незалежнасці з прылеглымі да яе тэрыторыямі;
- парк імя 60-годдзя Кастрычніка.
Нельга курыць там, дзе ёсць адпаведная шыльда: у ліфтах і дапаможных памяшканнях шматкватэрных жылых дамоў і інтэрнатаў. Таксама забаронена курыць у аўтамабілях, калі вы едзеце з дзецьмі да 14 гадоў, на дзіцячых пляцоўках, на тэрыторыі спартыўна-аздараўленчых і іншых лагераў, устаноў адукацыі.
У спісе абмежаванняў таксама працоўныя месцы ў памяшканнях, прыпынкі і станцыі грамадскага транспарту (у т.л. метро), падземныя пераходы, гандлёвыя аб’екты і рынкі, аб’екты грамадскага харчавання, летнія пляцоўкі, пляжы, арганізацыі фізічнай культуры і спорту, чыгуначныя станцыі, вакзалы і аэрапорты. Выключэнне — спецыяльна абсталяваныя месцы.
Артыкул 19.9 КаАП прадугледжвае адказнасць у выглядзе штрафу да чатырох базавых велічынь (168 рублёў) за курэнне (у тым ліку электронных сістэм курэння) у забароненых месцах.
Калі дзіця ва ўзросце да 16 гадоў будзе курыць у недазволеным месцы, яго бацькоў (асоб, што замяняюць бацькоў) могуць прыцягнуць да адміністрацыйнай адказнасці.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве10
Каментары