Мінчук з яркай знешнасцю выкладае сэксі-танцы і вучыць мастацтву разняволення
29-гадовы Андрэй Шурашоў з Мінска называе сябе вог-імператарам: ён харэограф, які выкладае танцы, што ўтрымліваюць у сабе мадэльныя позы і подыумную хаду. На яго курсы ў пошуках упэўненасці ў сабе запісваюцца жанчыны розных гадоў.
У сваім блогу, на які цяпер падпісана больш за 20 тысяч чалавек, Андрэй расказвае пра жаночую энергію з мужчынскага погляду і дзеліцца дэталямі са свайго жыцця — прапрацоўкай уласных страхаў і комплексаў, а таксама стэрэатыпаў.
Хлопец скончыў факультэт міжнародных бізнэс-камунікацый у БДЭУ, але ў выніку абраў для сябе больш творчую сферу. Ён паказвае, што раней быў зусім іншы, бо баяўся самавыяўляцца. Але цяпер усё змянілася, і ён адчувае сябе больш шчаслівым.
Нядаўна ён, як сам жартуе, стаў татам: завёў сабаку, цвергпінчара Марса.
Пад відэа з танцамі Андрэя нярэдка можна сустрэць каментары ў стылі «Хіба гэта мужчына?». Але ён імкнецца нават з выказванняў хейтараў рабіць новы кантэнт для свайго блога.
Выгляд у мужчыны сапраўды яскравы: шмат татуіровак, пірсінг і заўсёды нестандартны манікюр, які прыцягвае ўвагу здалёк. У каментарах жартуюць, што яго пазногці — амаль як халодная зброя.
Але галоўнае, лічыць Андрэй, што яго стыль падабаецца маме:
«Самы страшны страх людзей — выглядаць бязглузда, аблажацца, не апраўдаць нечых чаканняў. Дагэтуль далёка не кожны можа сабе дазволіць быць свабодным. Калі некаму ці нечаму адпавядаеш, заўсёды трэба трымаць мозг напружаным. Граць сацыяльную ролю — гэта таксама мастацтва, асабліва калі ваша спецыялізацыя — прафесійнае налізванне, а там ужо няважна, каму і для чаго. Дык, можа, прыйшоў час выйсці з гэтага спектакля і пачаць граць сваю ўласную ролю?» — задае пытанне Андрэй.
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары