Аўтары ліста выказваюць «глыбокую занепакоенасць утрыманнем пад вартай беларускіх грамадзянаў». У сваім лісце кангрэсмены згадваюць Міколу Статкевіча, Андрэя Саннікава, Змітра Бандарэнку, Ігара Аліневіча, Мікалая Дзядка, Аляксандра Францкевіча, Змітра Дашкевіча, Эдуарда Лобава, Паўла Севярынца, Мікалая Аўтуховіча і Алеся Бяляцкага.
«Дзяржаўны дэпартамент ЗША, ЕС, а таксама шматлікія міжнародныя і няўрадавыя арганізацыі неаднаразова выказвалі занепакоенасць станам грамадзянскіх і палітычных правоў у Беларусі. Паколькі гэтая занепакоенасць захоўваецца да гэтага часу, мы баімся, што Беларусь застанецца выгнанцам на міжнароднай арэне, на шкоду эканоміцы і насельніцтву Беларусі», — пішуць кангрэсмены.
Яны таксама адзначаюць: «Вызваленне незаконна асуджаных людзей і пакаранне тых, хто адказны за гэта, пашле ясны сыгнал беларускаму народу і міжнароднай супольнасці, што ваш урад не будзе мірыцца з парушэннем правоў чалавека і пагардай да дэмакратыі».
«Мы таксама ведаем, што беларусы адданыя прынцыпам і ідэям дэмакратыі, уключаючы права на свабоду слова і плюралізм», — напісана ў лісьце.
Зварот да Аляксандра Лукашэнкі падпісалі: Дэн Бартан, Грэгары Мікс, Тым Грыфін, Элтан Гэлаглі, Элтан Энгель, Тэд Па, Том Марына, Тэадор Дэйч, Гус Біліракіс, Албіё Сайрэс, Жан Шміт.
Зварот да Лукашэнкі з’явіўся з ініцыятывы кіраўніка АГП Анатоля Лябедзькі, які ў часе свайго візіту ў ЗША сустракаўся з прадстаўнікамі Кангрэсу ЗША, адзначае сайт прыхільнікаў АГП.
Цяпер чытаюць
Трамп згадаў 1300 беларускіх палітвязняў. Адкуль такая лічба і колькі іх насамрэч?2
Каментары