Невядомыя аматары серыяла South Park стварылі серыю пра расійскі кінематограф і Мікіту Міхалкова.
У інтэрнэце гуляе чарговае віруснае відэа — выкананае пад серыю звышпапулярнага мультсерыяла South Park, у якой Мікіта Міхалкоў праводзіць для галоўных герояў экскурс у расійскае кіно 90-х. У найлепшых традыцыях «Парка» тут вам і сатыра, і з’едлівыя каментары галоўных герояў, і абсцэнная лексіка, і ўсё астатняе.
У інтэрнэце не згасаюць спрэчкі — а можа і праўда, амерыканцы вырашылі прайсціся па расійскім кіно і асабіста па асобе Міхалкова? Аднак, відэа — відавочная падробка, хоць і зроблена яна на ўзроўні.
За чатыры з паловай хвіліны можна напраўду убачыць працэс развіцця расійскага кіно — ад «безграшовых» 90-х да супрацоўніцтва з Галівудам у апошнія гады. Вядзе экскурсію Міхалкоў, які просіць называць сябе Бесагонам.
Асоба Міхалкова ўвесь час выклікае хвалі абурэння сярод расійскіх кінааматараў — пачынаючы ад прапановы браць за кожны пусты DVD-дыск падатак на карысць расійскага кіно да з’яўлення блога «Бесагон TV» — відэа-версіі ЖЖ, у якой Мікіта Сяргеевіч выказваўся на ўсялякія актуальныя тэмы. Болей за ўсё ўразіла гледачоў назва блога, але рэжысёр патлумачыў, што Мікіта Бесагон — ягоны нябёсны ахоўнік.
Цяпер чытаюць
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?1
Каментары