Aŭtarka ramana «Zabić pieraśmiešnika», 88-hadovaja Charpier Li, vypuścić praciah svajoj adzinaj knihi, jakaja stała ŭ 1960 hodzie łaŭreatam Pulitceraŭskaj premii.
Pra heta paviedamlaje Associated Press sa spasyłkaj na vydaviecki dom Harper.
Kniha abjomam u 304 staronki ŭ anhlijskim varyjancie pad nazvaj Go Set a Watchman vyjdzie 14 lipienia 2015 nakładam dva miljony asobnikaŭ.
«U siaredzinie 1950-ch ja napisała Go Set a Watchman, u jakoj havorka idzie pra darosłuju hierainiu Skaŭt.
Moj redaktar byŭ zachopleny fłešbekami ab jaje dziacinstvie i pierakanaŭ mianie napisać raman, jaki paźniej atrymaŭ nazvu «Zabić pieraśmiešnika», ad asoby maleńkaj dziaŭčynki», — tłumačyć Li.
Pakolki jana ŭpieršyniu źbirałasia vydavać knihu, piśmieńnica paśledavała paradzie daśviedčanaha vydaŭca. Niadaŭna siabar i advakat piśmieńnicy znajšoŭ rukapis. Li pakazała jaho niekalkim ludziam, čyjo mierkavańnie mieła dla jaje vahu, i kali jany ŭchvalili raman, aŭtar vyrašyłasia na publikacyju praz 50 hadoŭ paśla stvareńnia.
Adziny raman Li «Zabić pieraśmiešnika» ličycca zbolšaha aŭtabijahrafičnym i napisany ad asoby dački advakata, jaki abaraniaje ŭ sudzie čarnaskuraha, niespraviadliva abvinavačanaha ŭ zhvałtavańni biełaj žančyny. Kniha była apublikavana ŭ 1960 hodzie, praz hod Li atrymała za jaho Pulitceraŭskuju premiju. Ekranizacyja ramana, vykananaja ŭ 1962 hodzie, vyjhrała niekalki prestyžnych premij, u tym liku try «Oskary».
Ciapier čytajuć
Ninu Bahinskuju vyzvalili biez pakarańnia, kryminalnuju spravu zakryli2
Kamientary