Rasijski akcior Aleh Tabakoŭ nazvaŭ ukraincaŭ «ubohimi» i pakazaŭ ułasnaje nievuctva
Viadomy saviecki i rasijski akcior i režysior Aleh Tabakoŭ ličyć ukraincaŭ «ŭ niejkim sensie ubohimi», ciomnymi i niepiśmiennymi ludźmi. Pra heta jon zajaviŭ u kamientary «Rien-TV» u adkaz na farmavańnie ŭkrainskim Minkultam «čornaha śpisu» rasijskich artystaŭ.
«Jany i tak nie vielmi praśvietlenyja Jak babula ŭ sercach kazała: «Ta pluń ty na ich. Heta ž temni ta nehramotni ludy». Biada ŭ tym, što ludzi narmalnyja buduć pakutavać ad taho, što narmalnaja infarmacyja nijak da ich nie traplaje. Heta ž treba, kab chtości z nasielnikaŭ hetaj krainy znutry niešta zrazumieŭ. Ja vam tak skažu: soramna za tyja miarzoty, jakija jany robiać, zabivajučy ludziej i rujnujučy ich žyllo A tak, adhukacca na ich… Ja machnuŭ rukoj, niahledziačy na toje, što ŭ mianie adna čverć kryvi ŭkrainskaja «, - skazaŭ Tabakoŭ.
Pa słovach režysiora, «heta vyklikaje pačućcio niajomkaści i soramu».
«Ja škaduju ich, razumiejecie Jany ŭ niejkim sensie ŭbohija
A zaraz ja zusim takuju sakramientalnuju dumku vam skažu: biada ž sapraŭdnaja zaklučajecca ŭ tym, što va ŭsie časy ich najlepšyja pradstaŭniki intelektu, litaratury - Jany ŭ paraŭnańni z ruskimi byli niedzie na druhoj abo treciaj pazicyi», - zajaviŭ rasijski kulturny dziejač.
Dalej Tabakoŭ razvažaje pra vartaści ŭkrainskich piśmieńnikaŭ, zaličyŭšy da apošnich, čamuści, i Elizu Ažešku — biełaruskuju polskamoŭnuju piśmieńnicu, pachavanuju ŭ Hrodnie.
* * *
8 lipienia Ministerstva kultury Ukrainy ŭniesła ŭ «čorny śpis» 117 artystaŭ z Rasii - pieralik asob, jakija ŭjaŭlajuć pahrozu nacyjanalnaj biaśpiecy Ukrainy.
* * *
Aleh Tabakoŭ u sakaviku 2014 byŭ siarod rasijskich dziejačoŭ kultury—padpisantaŭ zajavy ŭ padtrymku pucinskaj ahresii ŭ Krymie.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary