Čałaviek zbudavaŭ pad Minskam supiermałuju chatku, ale z samymi sučasnymi techsrodkami, i pradaje za 48 tysiač FOTY
Modulnych damoŭ šmat — heta novaja chvala ŭ nieruchomaści. Ale hety — nie zvyčajny. Jon malupasieńki.
Uładalnik takoj niezvyčajnaj chaty — Jarasłaŭ. Jon vandravaŭ pa roznych krainach, dzie budavaŭ takoha typu damy. Parabiŭšy ŭ Indyi, jon vyrašyŭ viarnucca na radzimu. Paśla viartańnia jon schacieŭ pabudavać modulny dom u jakoj vioscy. Vybraŭ Damašany — 20 km pa linii elektryčki na paŭnočny ŭschod ad Minska.
Na siońnia ŭ Jeŭropie i Amierycy modulnyja damy — heta alternatyva kłasičnamu budaŭnictvu. Damy źbirajucca ŭ minimalnyja terminy, jany całkam ekałahičnyja i kaštujuć tańniej.
Voś płan Jarasłavavaha pałaca:
Ahulnaja płošča składaje 28 kvadrataŭ. Heta mienš, čym typovaja chruščoŭka. Zatoje jość vialikaja terasa i sadok. Idealnaje lecišča!
Padrabiaznaje apisańnie:
«Brutalny dačny domik, abstalavany samymi sučasnymi techničnymi srodkami. Materyjał ścien — mietaličny karkas, uciepleny minieralnymi plitami. Škłopakiety PVCH. Enierhaefiektyŭnaja sistema aśviatleńnia. Videanazirańnie i GSM-sihnalizacyja. 3 kamiery nazirańnia (u tym liku načnoha bačańnia). Vuličnaje aśviatleńnie z datčykami ruchu. Učastak 7,63 sotki, prymykaje da lesu. Aharodžany pa pierymietry kapitalnym draŭlanym płotam. Da asfaltavaha pakryćcia darohi 700 m. Stancyja elektryčki za 400 m. Prypynak maršrutnaha taksi i aŭtobusa 1 km. Vadajom 2 km. Pramy prodaž».
Dyzajn — minimalistyčny, ź jarkimi plamami.
Na siońnia za dom prosiać 48 000 dalaraŭ, što raŭnaznačna 820 młn rubloŭ.
U samim domie jość usio nieabchodnaje. Padviedziena kanalizacyja, jość kuchnia z elektryčnaj plitoj, chaładzilnik.
Jość haračaja vada, duš.
Znutry dom vyhladaje ŭtulna: stajać niekalki kanapaŭ, mocnaja kaminnaja pieč na drovach.
Jość asobnaje pamiaškańnie dla invientara z zadniaha boku chaty.
Ci vytrymaje takaja chata našyja zimy?
U jakaści asnovy na ziamlu pakładziena mietałakanstrukcyja. Karkas doma — heta mietaličny škilet sa stalovych trub. A ścienavyja paneli zapoŭnienyja ŭciaplalnikam.
U razrezie ściana vyhladaje nastupnym čynam: vonkavaja doška, OSB-plita, uciaplalnik, paraizalacyja, jašče adna OSB-plita i hipsakardon. Takim ža čynam ucieplenyja padłoha i dach.
Plus hetaha modulnaha doma — u mahčymaści prybudoŭvać da jaho novyja pakoi častkami, tym samym pavialičvajučy płošču doma z najmienšymi vydatkami i pa miery siłaŭ. Hetak ža hety dom možna chutka pieravieźci abo raźviarnuć u inšy bok.
A jakoje vašaje staŭleńnie da hetaj zadumy i modulnych damoŭ uvohule? Vykazvajciesia ŭ kamientach!
-
«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu
-
U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz
-
U Biełarusi dabudavali samy vysoki ŭ krainie panelny dom. I znachodzicca jon nie ŭ Minsku
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17
Kamientary