Ździek z Prahramy Kalinoŭskaha: «Adkryli kaljannuju-pab u Katavicach»
Da 10-hodździa Prahramy Kalinoŭskaha sajt Svaboda.org sabraŭ 10 historyj pośpiechaŭ vypusknikoŭ prahramy.
Što heta za pośpiechi?
9 z 11 apisanych u materyjale vypusknikoŭ zastalisia žyć u Polščy.
Siarod pośpiechaŭ fihuruje adkryćcio dvuma vypusknikami kaljannaj u Katavicach (horad na poŭdni Polščy). Heta finiš! Navat kali b jany adkryli dymarniu ŭ Babrujsku, mnie heta nie padałosia b «historyjaj pośpiechu», a pryčym Katavicy da metaŭ prahramy imia hieroja, zadačaj jakoj było padrychtavać novuju biełaruskuju elitu.
U Biełaruś siarod hierojaŭ materyjału viarnulisia tolki dvoje — adzin mastak i adzin žurnalist-fryłansier.
Kali heta «historyi pośpiechu», to što tam užo za «historyi niapośpiechu» kalinoŭcaŭ možna sustreć?
Jak viadoma, dobrymi namierami vyścielenaja daroha ŭ piekła.
Dyk voś, dadzieny artykuł dla mianie tolki paćvierdziŭ padazreńni, što, u situacyi, kali ź biełaruskich VNU pierastali vyklučać, prahrama Kalinoŭskaha pierastała być karyściu, a stała škodaj dla Biełarusi. Jana pryvodzić da pierajezdu samaj talenavitaj moładzi, creme de la creme, ź Biełarusi ŭ Polšču. Tam jany apynajucca raskidanymi pa polskich VNU i ŭ vyniku całkam ci častkova asimilujucca. Samyja kreatyŭnyja i samyja śmiełyja akazvajucca stračanymi dla Biełarusi.
A jak dumajecie vy? Abmiarkoŭvajcie, kali łaska.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły6
Kamientary