Rada Jeŭrapiejskaha sajuza pryniała rašeńnie padoŭžyć pamiežkantrol unutry ES jašče na paŭhoda. Adpaviednaja zajava raźmieščanaja na sajcie viedamstva, paviedamlaje TASS.
«12 maja 2016 hoda Rada ŭchvaliła rašeńnie ab vyniasieńni rekamiendacyi dazvolić pradaŭžeńnie časovaha pahraničnaha kantrolu na ŭnutranych miežach u śviatle nadzvyčajnych abstavin», — havorycca ŭ dakumiencie.
Heta rašeńnie datyčycca piaci krain ES. Pačynajučy z dnia pryniaćcia rašeńnia Aŭstryja, Hiermanija, Danija, Šviecyja i Narviehija pavinny zachavać praparcyjanalny časovy pamiežny kantrol na maksimalny pieryjad 6 miesiacaŭ.
U zajavie adznačajecca, što kožnaja zacikaŭlenaja ŭ prymianieńni hetaj miery kraina pavinna zahadzia raicca z susiednimi dziaržavami — siabrami ES, «kab pierakanacca, što ŭnutrany kantrol pravodzicca tolki tam, dzie jon ličycca nieabchodnym i suraźmiernym u adpaviednaści z Šenhienskim kodeksam ab miežach».
Takaja rekamiendacyja nie praduhledžvaje ŭviadzieńnie kantrolu pasažyraŭ, jakija prybyvajuć u Hrecyju abo adpraŭlajucca z hetaj krainy pavietranym abo marskim šlacham.
Krainy zony Šenhien pačali ŭvodzić kantrol na svaich hranicach u pačatku vosieni 2015 hoda z-za niekantralavanaha patoku mihrantaŭ. Pavodle roznych acenak, letaś u ES prybyli bolš jak 1,8 młn mihrantaŭ ź Blizkaha Uschodu. Pa normach Šenhiena, da siaredziny maja ŭsie terminy dla časovaha pamiežnaha kantrolu zakančvajucca, tamu Jeŭrakamisija i prapanavała padoŭžyć hetu mieru dla šeraha krain.
Kamientary