Časopis «Arche» abviaščaje akcyju «Najnoŭšaja historyja Biełarusi». Prapanova pryciahnie ŭvahu ŭsich, chto cikavicca sučasnaju historyjaj krainy, a taksama imkniecca razabracca ŭ tonkaściach palityčnych pracesaŭ.
Najnoŭšaja historyja Biełarusi — heta tema, na jakuju niaprosta znajści prafesijnych histaryčnych ci palitalahičnych daśledavańniaŭ. Vinoj tamu — idealahičnyja rahatki, jaki prymušajuć akademičnuju supolnaść abo pisać chvalebnyja apalohii, abo ihnaravać cełyja płasty našaj niedalokaj minuŭščyny, aśviatleńnie jakich moža dać niepažadanyja efekty.
Uvazie čytačoŭ prapanujucca 6 papiarovych i 5 elektronnych tematyčnych vydańniaŭ, jakija dazvolać atrymać hruntoŭnyja viedy i lepš razumieć pryčyny j nastupstvy padziejaŭ u hramadzkim i palityčnym žyćci krainy.
Akcyja dziejničaje da 11 červienia.
Papiarovyja vydańni:
Palityčnaja historyja niezaležnaj Biełarusi (da 2006 h.)
U knizie aśviatlajuć asnoŭnyja i najvažniejšyja aryjenciry ŭ najnoŭšaj palityčnaj historyi Biełarusi ad momantu adnaŭleńnia niezaležnaści.
Vydańnie składajecca z publikacyjaŭ aŭtaraŭ z roznymi pahladami na padziei biełaruskaje palityčnaje historyi našaha času, i praź ichnuju raznastajnaść układalniki atrymali bolšuju abjektyŭnaść, niž vydańni paasobnych aŭtaraŭ. Historyju Biełarusi pakazali ŭ retraspektyvie ad 1991 da 2006 hodu, asablivaje miesca zajmaje historyja stvareńnia j dziejnaści palityčnych partyjaŭ u Biełarusi.
Alaksandr Kurjanovič — Apazicyja Biełaruskaha Narodnaha Frontu ŭ Viarchoŭnym Saviecie Biełarusi XII sklikańnia (Dakumienty, fakty, kamientaryi)
Zbornik źmiaščaje šmatlikija dakumenty j matarjały, datyčnyja dziejnaści parlamenckaj apazycyi Biełaruskaha Narodnaha Frontu ŭ Viarchoŭnym Saviecie Biełarusi CHII sklikańnia (1990—1995 hh.). Mnohija ź ich publikujucca ŭpieršyniu na padstavie archiŭnych aryhinałaŭ. Teksty dakumentaŭ supravadžajucca hruntoŭnymi kamentarami ŭkładalnika, a taksama bahatym ilustratyŭnym matarjałam, usiaho kala tysiačy dakumentaŭ.
Zbornik Kurjanoviča — kniha, pa jakoj varta vučycca. Kaho Paźniak źjedliva nazyvaŭ «demakratami na 90%»? Kali j pry jakich akaličnaściach Lidzija Jarmošyna stała supracoŭnicaj CVK? Asnoŭnyja dziejnyja asoby — Zianon Paźniak, Valancin Hołubieŭ, Piotra Sadoŭski, Siarhiej Navumčyk dy inšyja. Kniha budzie cikavaja navukoŭcam, palitolaham i ŭsim, chto cikavicca sučasnaju historyjaj baćkaŭščyny.
Vital Silicki — Doŭhaja daroha ad tyranii: postkamunistyčny aŭtarytaryzm i baraćba za demakratyju ŭ Sierbii i Biełarusi
Kniha viadomaha biełaruskaha palitołaha Vitala Silickaha (1972—2011), nie skončanaja z-za rańniaj śmierci aŭtara — padsumavańnie jaho raniejšych daśledavańniaŭ. Aŭtar kancepcyjaŭ previentyŭnaha aŭtarytaryzmu i aŭtarytarnaha internacyjanału, Silicki biare vypadki Biełarusi i Sierbii, kab zrabić bliskučy paraŭnalny analiz, pakazać padabienstvy i adroźnieńni ŭ ichnych histaryčnych losach i palityčnych režymach, adlustravać stratehii i vyniki dziejnaści palityčnych hulcoŭ, siarod jakich u adpaviednych krainach vyłučalisia postaci Słabadana Miłošaviča i Alaksandra Łukašenki. Pierad nami — hruntoŭny i padrabiazny hid pa palityčnaj trajektoryi Biełarusi i Sierbii paśla źniknieńnia savieckaj i juhasłaŭskaj, zbolšaha naminalnych fiederacyjaŭ. Akramia taho, hetaja kniha — praktyčny dapamožnik pa mietadałohii palityčnych daśledavańniaŭ, dzie aŭtar vykarystoŭvaje šyroki arsienał srokaŭ palitałahičnaha analizu i vydatna raskryvaje klučavyja paniaćci demakratyzacyi, manipulacyjnaha i previentyŭnaha aŭtarytaryzmu.
Palitalohija = Politikwissenschaft: Paniaćci. Analizy. Teoryi: Asnoŭny kurs
Pierad vami — niamiecki encyklapedyčny padručnik pa palitalohii, padrychtavany aŭtarskim kalektyvam prafesaraŭ z universytetu Frankfurtu-na-Majnie. Vydańnie zacikavić studentaŭ humanitarnych specyjalnaściaŭ, prafesijnych palitykaŭ i palitolahaŭ, a taksama ŭsich, kaho nie pakidaje abyjakavym palityčnaja prablematyka. Pierakład zrobleny pavodle vydańnia: Politikwissenschaft: Begriffe — Analysen — Theorien; ein Grundkurs / Hrsg. Iring Fetscher; Herfried Münkler. — Reinbek bei Hamburg: Rowohlt-Taschenbuch Verlag, 1990. — 670 S.
Palitalohija = Politikwissenschaft: Paniaćci. Analizy. Teoryi: Asnoŭny kurs. Pradmova ŭkładalnikaŭ
Hieapalityčnaje miesca Biełarusi ŭ Eŭropie i śviecie
Hetaja kniha pryśviečanaja hieapalitycy. Siarod źmieščanych u joj artykułaŭ adznačym analizy Itana S. Berhiera «Razychodžańnie pamiž palitykaj słovaŭ i spravaŭ: niepryznańnie Złučanymi Štatami vynikaŭ prezydenckich vybaraŭ u Biełarusi ŭ sakaviku 2006 h.», «Apošniaja dyktatura ŭ Eŭropie» — heta Zachad surjozna?» Mikoły Rabčuka, «Biełaruś: anatomija preventyŭnaha aŭtarytaryzmu» Vitala Silickaha, «Biełaruś pamiž «kalarovaj revalucyjaj» i «kontrrevalucyjnaj technalohijaj» Endru Ŭiłsana, «Rehijanalnyja adroznaści ŭ kantekście vynikaŭ prezydenckich vybaraŭ 1994, 2001, 2006» Andreja Kazakieviča, «Prastora biełaruskaha palityčnaha dyskursu i jaho vizualnyja i perfarmatyŭnyja elementy» Imkie Hansen, «Biełaruś: dziaržava, ale jašče nia nacyja» Ryhora Jofe, «Moj rejtynh eŭrapiejskich nacyjaŭ na pačatku XXI stahodździa» Aleha Łatyšonka, «Ci jość u Biełarusi biełarusy?» Devida R. Marpłza, «Pamiž łukašyzmam i nacyjanalizmam» Piatra Rudkoŭskaha.
ARCHE №4 (137) — 2015. Nieraŭnapraŭnaje partniorstva: dziaržava i hramadzianskaja supolnaść pry kansalidavanym aŭtarytaryźmie
U numary aśviatlajucca roznyja vymiery hramadzianskaj aktyŭnaści, u tym liku kulturnaja dziejnaść, baraćba za hiendernuju (nia)roŭnaść, palityčnaja salidarnaść, miascovaje samakiravańnie, hramadzianskaja adukacyja, adnosiny pamiž relihijnymi hrupami, maładziovyja subkultury, «zialony» ruch, a taksama praces (de)kansalidacyi i (de)palityzacyi hramadzianskaha sektaru.
Elektronnyja vydańni:
Chryščeńnie nacyi. Masavyja akcyi 1988—2009
Hetaja kniha składajecca z troch častak. Hrupa palitołahaŭ na čale z doktaram palityčnych navuk Andrejem Kazakievičam ažyćciaviła analiz vuličnaj aktyŭnaści biełarusaŭ u 1988—2009 hadach. Kandydat histaryčnych navuk Aleh Dziarnovič dapoŭniŭ jaho małaviadomymi histaryčnymi dakumientami. Narešcie, redaktary padabrali z dastupnych archivaŭ sotni fatahrafijaŭ i artefaktaŭ, što prymusiać inačaj pahladzieć na pačatki biełaruskaj niezaležnaści.
ARCHE №9 (49) — 2006. Jak hartavałasia dyktatura
Asnoŭnaja publikacyja numaru — «Razhon. Uspaminy deputataŭ Viarchoŭnaha Savietu CHII sklikańnia». Jana składajecca z zapisanych historykam Jaŭhienam Aniščankam uspaminaŭ deputataŭ Viarchoŭnaha savieta 12 sklikańnia, jakija ŭziali ŭdzieł u haładoŭcy pratestu ŭ znak pratestu suprać planavanaha Alaksandram Łukašenkam referendumu (adbyŭsia 14 traŭnia 1995 hodu). Haładoŭka była hvałtoŭna spyniena supracoŭnikami milicyi i specsłužb u Domie ŭradu ŭ noč z 11 na 12 krasavika. Jak heta adbyvałasia, i što hetamu papiaredničała, apaviadajuć Mikałaj Aksamit, Lavon Barščeŭski, Juraś Bieleńki, Ihar Hiermiančuk, Valancin Hołubieŭ, Miečysłaŭ Hryb, Lavoncij Zdanievič, Mikałaj Kržyžanoŭski, Piotra Sadoŭski i Aleh Trusaŭ.
ARCHE №4 (33) — 2004. Prezydent z małoj litary
Numar pryśviečany padviadzieńniu vynikaŭ pieršaj dziesiacihodki Łukašenkavaha kiravańnia. «Kab ažyćciavić takuju ekspertyzu (mienavita ekspertyzu, a nie kančatkovy prysud), «baćku» daviałosia pastavić u centar šyrokaha abmierkavańnia i zacikaŭlenaha dyjalohu» (z pradmovy da vydańnia).
U vypusku: apytańni «Čamu ja hałasavaŭ «za» Alaksandra Łukašenku (ci «suprać»)?» i «Ci źmianiłasia Vašaje staŭleńnie da Łukašenki za 10 hadoŭ?», artykuły «Łukašenka biaz maski abo Hulnia na panižeńnie», «Łavicie momant: leninskaja spadčyna», «Zamknionaje hramadztva i zamkniony rozum» dy inšyja.
ARCHE №1—2 (100—101) — 2011. Vybary 19 śniežnia 2010: Panarama padziei
Numar pryśviečany padziejam kanca 2010 hodu: čarhovym prezydenckim vybaram, brutalnamu razhonu Płoščy i jahonym nastupstvam. Asnovu numaru skłali śviedčańni vidavočcaŭ padziejaŭ, dapoŭnienyja mierkavańniami ekspertaŭ.
Majkł Urban — Ałhiebra savieckaj ułady. Cyrkulacyja elit u Biełaruskaj Savieckaj Sacyjalistyčnaj Respublicy (1966—1986)
Manahrafija amierykanskaha palitołaha maje nastupnyja raździeły: 1. Mietad, madel i histaryčnyja padvaliny 2. Ijerarchija, mabilnaść i madel stratyfikacyi 3. Centralizacyja jak vyznačalnik cyrkulacyi elit 4. Rehijanalnaja struktura ŭ cyrkulacyi elit 5. Jak budujucca patranažnyja adnosiny 6. Ci prynaležnaść da hrupoŭki maje značeńnie? 7. Palityčnaja pierajemnaść 8. Vysnovy, nastupstvy i pytańnie ŭzroŭniaŭ
Infarmacyja pra toje, jak atrymać upadabanyja vydańni jość na sajcie Arche.
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Na vajnie va Ukrainie zahinuŭ były dyrektar dvuch aršanskich zavodaŭ4
Kamientary