Deputat zakanadaŭčaha schodu Leninhradskaj vobłaści Uładzimir Piatroŭ nakiravaŭ zvarot u ministerstva adukacyi i navuki i Rasijskuju akademiju navuk (RAN) z prośbaj razhledzieć prapanovu ab stvareńni druhoj ruskaj azbuki, zasnavanaj na łacincy, paviedamlaje RIAN.
«Miljony našych suajčyńnikaŭ vykarystoŭvajuć dasiahnieńni navuki i techniki dla znosin u internecie, u tym liku na mižnarodnych kamunikacyjnych placoŭkach. Na žal, nie kožnaja takaja placoŭka padtrymlivaje ruskuju moŭnuju kadoŭku, dy i daloka nie kožny hadžet zdolny mieć ruskuju raskładku. Va ŭsim śviecie movaj mižnacyjanalnych znosin u internecie źjaŭlajecca anhlijskaja», — piša Piatroŭ.
Razam z tym jon ŭkazvaje na toje, što jašče z XIX stahodździa i až da 1930-ch hadoŭ, u Rasii abmiarkoŭvajecca mahčymaść stvareńnia druhoj azbuki, zasnavanaj na łacincy.
«Da prykładu, paralelnyja łacinskija azbuki ŭžo isnujuć u sierbskaj i biełaruskaj movach», — adznačaje deputat.
Na jaho dumku, kali b u Rasii isnavała zaćvierdžanaja adzinaja ruskaja łacinka, to mnohija pytańni, źviazanyja ź intehracyjaj u mižnarodnyja techničnyja i technałahičnyja pracesy, adpali b sami saboj.
Akramia hetaha, jak u vypadku i z reformaj tureckaj movy na pačatku XX stahodździa, ruskaja łacinka zmahła b pryciahnuć uvahu i cikavaść da vyvučeńnia ruskaj kultury i movy na Zachadzie, siarod žycharoŭ krain, čyja mova zasnavanaja na łacinskim ałfavicie, miarkuje parłamientaryj.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ9
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary