Pakaz prapahandysckaha filma «Krym» u Minsku admianiajecca
Pra heta «Našaj Nivie» paviedamili ŭ Domie Maskvy. «Pazvanili arhanizatary, skazali, što impreza pieranosicca», — skazali ŭ adździele praviadzieńnia mierapryjemstvaŭ Doma Maskvy.
Pakaz filma Krym i sustreča z režysioram Pimanavym pavinna była adbycca 26 kastryčnika. Admietna, što «Krym» i Pimanava ŭ Minsk pryvozić arhanizacyja «Ruś maładaja». Taja samaja, jakuju ŭznačalvaje Siarhiej Łušč. My ŭžo padrabiazna pisali pra hetaha piersanaža. Łušč prytrymlivaŭsia nieanacysckich pohladaŭ, byŭ jazyčnikam, zmahaŭsia z «juda-chryścijanskaj akupacyjaj». Ciapier ža jon vystupaje jak raspaŭsiudnik «ruskaj kultury ŭ Biełarusi». Łušč užo pryvoziŭ u Minsk piśmieńnika-čarnasocienca Starykava.
Mastacki film «Krym» — heta ŭsłaŭleńnie anieksii paŭvostrava rasijskimi vajskoŭcami ŭ sakaviku 2014 hoda. Jaho nie ŭziali ŭ prakat biełaruskija kinateatry.
Źviartaje ŭvahu, što jašče ŭčora lidar «Rusi maładoj» Siarhiej Łušč byŭ upeŭnieny ŭ tym, što sustreča adbudziecca. Na svajoj staroncy ŭ fejsbuku Łušč pisaŭ: «Sustreča ź viadomym režysioram Alaksiejem Pimanavym — heta kulturnaje mierapryjemstva. Mnohija minčuki, i nie tolki, buduć rady sustrecca z režysioram. A hledačam davajcie damo samastojna i svabodna aceńvać jakaść tvora, i pa-sapraŭdnamu, pa-jeŭrapiejsku, demakratyčna vykazvać svajo mierkavańnie, a nie iści na pavadu ŭ rusafobaŭ-prapahandystaŭ», — adznačaŭ Łušč.
***
Hladzi taksama: Univiersitet MITSO zaklikaje studentaŭ prychodzić na pakaz prapahandysckaha filma «Krym»
***
Na telehram-kanał «Našaj Nivy» možna padpisacca tut.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary