Litoŭskaja mytnia ŭzmacniaje kantrol: ź Biełarusi masava viazuć ukrainskija hryŭni
Pa danych mytnaj słužby Litvy, treci miesiac nazirajecca tendencyja, kali ŭ krainu pastajanna viazuć vialikija sumy va ŭkrainskich hryŭniach. Hrošy, jak praviła, pieravoziacca nie hramadzianami Ukrainy, časta hrupami asob, jakija, mahčyma, razdajuć hryŭni pry ŭjeździe, kab nie pieravysić sumu, jakaja nie patrabuje dekłaravańnia, piša Delfi.
U mytnikaŭ majucca padazreńni, što takim čynam hrošy, zachoplenyja padčas vajny va Ukrainie, mohuć pasprabavać realizavać nielehalna. Mienavita tamu litoŭskija mytniki ŭ minułym hodzie ŭzmacnili kantrol za abarotam najaŭnych srodkaŭ na miažy ź Biełaruśsiu: u vypadku sumnievaŭ u zakonnaści ich pravozu hryŭni zatrymlivajuć dla vyśviatleńnia pachodžańnia. U asobnych vypadkach pa padazreńni ŭ kantrabandzie taksama pravodziacca dasudovyja rasśledavańni.
Za dva z pałovaj miesiacy mytniki takim čynam zatrymali ŭžo kala 44 miljonaŭ hryŭniaŭ (kala 1,1 młn jeŭra).
U pryvatnaści, 13 studzienia na adnym ź litoŭskich KPP mytniki pravieryli aŭtobus, jaki zajechaŭ ź Biełarusi, i kanfiskavali ŭ 18 čałaviek 5,13 młn hryŭniaŭ.
Amal usie pasažyry, jakija pieravozili hrošy, byli hramadzianami Biełarusi, jakija, miarkujučy pa ŭsim, nie mieli nijakaha dačynieńnia da Ukrainy i davali roznyja tłumačeńni, adkul u ich hryŭni.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary