Asudzili na dva hady kałonii mužčynu, jakomu na pratestach u 2020-m milicyjanty raśsiekli hałavu dručkom
U sudzie Žłobinskaha rajona 16 lutaha 2023 hoda asudzili Kiryłu Kamarova pavodle č. 1 art. 342 (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich) Kryminalnaha kodeksa. Sudździa Śviatłana Andrejeva pryznačyła Kiryłu dva hady kałonii va ŭmovach ahulnaha režymu, piša «Viasna».
Kiryłu Kamarova zatrymali ŭ kancy śniežnia 2022 hoda padčas chapunu ŭ Žłobinie. Razam ź im tady zatrymali nie mienš za piać čałaviek.
Mužčynu abvinavacili va ŭdziele ŭ akcyjach pratestu ŭ 2020 hodzie i vychadzie na prajeznuju častku. «Sumiesna ź inšymi ludźmi stajaŭ u sčepcy, plaskaŭ u dałoni, hučna kryčaŭ, vykrykvaŭ roznyja łozunhi», — paviedamlajecca ŭ sudovaj pastanovie.
Na mitynhu milicyjanty adcisnuli Kiryłu mietaličnym ščytom i raśsiekli da kryvi hałavu humovym dručkom.
Kamaroŭ całkam pryznaŭ vinu i «raskajaŭsia» ŭ ździejśnienym.
U Kiryły siarednie-śpiecyjalnaja adukacyja, jon maje na ŭtrymańni niepaŭnaletniaje dzicia.
Łukašenka: Raman Pratasievič — daŭni supracoŭnik biełaruskaj raźviedki55
Kamientary