Čałaviek, jaki pieratvaryŭ płastykavuju talerku ŭ adnuju z samych papularnych hulniaŭ płaniety, amierykanski vynachodnik Valter Frederyk Morysan, pajšoŭ z hetaha śvietu na 90-m hadu žyćcia.
«Hetaja prostaja hulnia prarvałasia na ŭsie kantynienty. «Latučaja talerka» trapiła, zdajecca, u bolš damoŭ, čym usie astatnija hulni na śviecie, — zaznačyŭ u aficyjnaj zajavie z žałobnaj nahody Kiej Maklef, advakat i rasparadčyk spadčynaj Morysana. — Jak možna było prabavić junactva biez taho, kab nie navučycca špurlać «talerku»?».
Morysan vynajšaŭ «latučuju talerku» pry kancy 40-ch i nazvaŭ jaje «sabačy padnos», — usio praź jahonuju z žonkaj zaviadzionku chadzić na kalifarnijski plaž i špurlać-łavić kruhły padnos dla pirahoŭ. Pa viartańni z druhoj suśvietnaj vajny Morysan pačaŭ daskanalić svajoj vynachodstva. Praz kolki hadoŭ jon urešcie pradaŭ hatovy patent pramysłoŭcam, i latučaja talerka ŭrešcie atrymała nazvu, pad jakoj jaje viedajuć va ŭsim śviecie, «Fryźbi», pa anałohii ź viadomym kruhłym amierykanskim «fryźbi-pirahom».
Pavodle acenak za ŭsie hetyja hady ŭ śviecie było pradadziena bolš za 200 miljonaŭ tolki licenzijnych «latučych talerak». U svaju čarhu čałaviectva, natchnionaje vynachodstvam Morysana, zavinułasia i prydumała «Ultymatyŭnaje fryźbi» — kamandnuju hulniu nakštałt handboła, dzie zamiest miača — toj ža vysłaviony plaskaty dysk. A jašče źjaviŭsia «Dysk-Holf», u jakim treba trapić «latučaj talerkaj» u łunku za jak maha mienšuju kolkaść kidkoŭ, a taksama «Sabačaje fryźbi», dzie ŭ łoŭli talerki spaborničajuć našyja čaćvieranohija siabry.
U 2001 Morysan razam z historykam i addanym šanavalnikam hulni fryźbi Fiłam Kenedzi napisaŭ memuary pra svajo znakamitaje vynachodstva. Siońnia ž, z nahody śmierci suaŭtara, toj historyk apublikavaŭ svoj asabisty zvarot, u jakim pazyčyŭ niabožčyku «hładkaha palotu».
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ9
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1717
Kamientary