Usiaho patrochu77

Amierykaniec padumvaje pierajazdžać u Biełaruś — pryčyna aryhinalnaja

U sacsietcy Reddit źjaviŭsia post ad žychara ZŠA, jaki razhladaje mahčymaść pajechać u Biełaruś.

Ananimny karystalnik piša, što praz šmat pryčyn u ZŠA vielmi ciažka atrymać miedyčnuju adukacyju. Amierykaniec taksama nie razumieje, navošta jamu rabicca častkaj miedyčnaj sistemy ZŠA, bo ŭ jaho da jaje šmat pytańniaŭ.

Aŭtar pasta narakaje, što ŭ amierykanskaj miedycynie vydatkoŭvajuć bahata hrošaj, ale vyniki jon nazyvaje «najhoršymi»:

«Asabliva paśla taho, jak praviły žyćcia ŭ čas kavidu, naviazanyja daktarami hramadstvu, razburyli miljony žyćciaŭ, dy apijoidny kryzis, vyklikany tym, što daktary masava prapisvali abiazbolvajučyja, razburyŭ jašče miljony žyćciaŭ, i paśla šmatlikich inšych sumnych prablem, niahledziačy na pryniatuju klatvu «nie naškodź».

Amierykaniec užo viedaje niekalki moŭ, akramia anhlijskaj: ispanskuju, niamieckuju, kitajskuju, partuhalskuju i francuzskuju. Tamu jon upeŭnieny, što zdoleje chutka vyvučyć i ruskuju movu. 

I tym nie mienš, amierykaniec maje svaje aściarohi. Naprykład, jon viedaje, što Dziarždepartamient raić hramadzianam ZŠA nie jechać u Biełaruś, bo ŭ našaj krainie ich mohuć aryštavać ci prosta drenna da ich pastavicca. Taksama aŭtar pasta razumieje, što vajna va Ukrainie moža ŭskładnić ździajśnieńnie jaho płanaŭ pa navučańni ŭ Biełarusi.

U kamientarach amierykaniec dadaje, što, na jaho dumku, Minsk vyhladaje čystym i biaśpiečnym horadam, dzie možna fajna bavić čas, a harady ZŠA jon nazyvaje brudnymi. Jašče adna pretenzija amierykanca — toje, što ŭ miedycynie ZŠA pracuje bahata ludziej z takich «ničoha nie vartych» (pavodle amierykanca) miescaŭ, jak Indyja i Iran.

Darečy, na sioletnich prezidenckich vybarach aŭtar pasta źbirajecca hałasavać za Donalda Trampa. Pierad tym, jak spytać na Reddit pra miedyčnuju adukacyju ŭ Biełarusi, jon cikaviŭsia nakont anałahičnaj adukacyi ŭ Rasii dy jašče abiacaŭ, kali jaho prymuć tudy vučycca, zaŭždy być udziačnym Rasii i, mahčyma, zastacca tam žyć.

Inšy karystalnik apisaŭ dla amierykanca jaho pierśpiektyvy, kali aŭtar pasta nasamreč atrymaje ŭ Biełarusi miedyčnuju adukacyju:

«Kali vy chočacie nie być zdolnym z vašym dypłomam pracavać ni ŭ adnoj zachodniaj krainie i kali vy chočacie pracavać u vielizarnaj depresiŭnaj pustečy, pakinutaj šmatlikimi daktarami, jakich kinuli za kraty z-za palityčnaj apazicyjnaści abo prymusili źbiehčy z krainy, to prosta napierad!

Hučyć jak žudasnaja ideja, ale kali fanat dyktatury nasamreč pryjedzie i budzie žyć u vyšejpaznačanaj dyktatury, ja całkam heta padtrymlivaju. Nasamreč».

«Naša Niva» — bastyjon biełaruščyny

PADTRYMAĆ

Kamientary7

  • Ilja
    31.10.2024
    American, Vy opisyvajetie emihrantskij opyt vzaimodiejstvija s amierikanskoj miedicinoj.
  • IharPinski
    31.10.2024
    American,kali vam tak drenna u štatach, čaho ž nie viernieciesia ŭ siniavokuju?
  • Čalec
    31.10.2024
    My pamiatajem, jak Franak złamaŭ nahu na $100tys. Tamu pretenzii aŭtara da amierykanskaj miedycyny całkam słušnyja. Ale ŭ ich miedycynie jość što kraści, a biełaruskaja prosta nie moža sabie takoha dazvolić. Pamiatajecie, jak prajšoŭ kavid u Biełarusi? Miedycyna zachlobvałasia, jakasnych zachodnich vakcyn uvohule nie było, a dyjahnazy "kavid" stavili nie ŭsim. Pamiraj, albo vyžyvaj svaimi siłami. Praŭda, harady čystyja i indusaŭ amal niama. Aŭtaru, jaki hałasuje (u Biełarusi takoj raskošy niama) za Trampa, było b karysna pryjechać i pahladzieć na ŭłasnyja vočy na hety raj.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu1

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler5

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić