MAK pryznaŭ lehitymnaść Viktara Łukašenki i vybaraŭ u NAK Biełarusi
Nacyjanalny alimpijski kamitet Biełarusi zajaviŭ, što Mižnarodny alimpijski kamitet pryznaŭ vybary starejšaha syna Alaksandra Łukašenki Viktara na pasadu kiraŭnika arhanizacyi. «Lusterka» daviedałasia ŭ samoha MAK, ci praŭda heta.
«MAK atrymaŭ poŭnuju spravazdaču pra čatyrochhadovuju vybarnuju Hienieralnuju asambleju, jakaja adbyłasia 15 studzienia 2025 hoda, u adpaviednaści sa statutam NAK Biełarusi i Alimpijskaj chartyjaj. Vybary byli paśpiachova arhanizavanyja i pravodzilisia tajemnym hałasavańniem, uklučajučy pasady prezidenta i vice-prezidenta.
Zhodna sa statutam NAK, pierahledžanym u 2021 hodzie, prezident, vice-prezident i členy vykankama nie zajmajuć nijakich dziaržaŭnych pasad. Bolš za toje, na vybarnaj Hienieralnaj asamblei NAK prysutničaŭ (dystancyjna) naziralnik, pryznačany sumiesna MAK i jeŭrapiejskimi alimpijskimi kamitetami (JEAK), jaki paćvierdziŭ vyšejpadadzienaje.
U suviazi z hetym vykankam MAK unios papraŭki ŭ pastanovu ad sakavika 2021 hoda takim čynam, što vybary NAK Biełarusi ad 15 studzienia 2025 pryznajucca praviedzienymi naležnym čynam», — skazana ŭ kamientary pres-słužby MAK dla «Lusterka».
Viktar Łukašenka staŭ prezidentam Nacyjanalnaha alimpijskaha kamiteta zamiest svajho baćki 26 lutaha 2021 hoda. Da hetaha jon amal dva hady vykonvaŭ funkcyi pieršaha vice-prezidenta NAK, a prezidentam z 1997 hoda byŭ sam Alaksandr Łukašenka.
Rakiroŭka ŭ 2021-m zdaryłasia nieŭzabavie paśla taho, jak Miensk pazbavili prava praviadzieńnia čempijanatu śvietu ŭ chakiei, a Mižnarodny alimpijski kamitet uvioŭ sankcyi suprać NAK praz adsutnaść abarony spartsmienaŭ ad dyskryminacyi.
Praŭda, tady MAK nie pryznaŭ vybary i pryznačeńnie Viktara Łukašenki. Kantakty ź Biełaruśsiu arhanizacyja padtrymlivała praz hienieralnaha sakratara NAK Ksieniju Sankovič.
15 studzienia 2025 hoda na Hienieralnaj Asamblei NAK Biełarusi Viktara Łukašenku pieraabrali kiraŭnikom arhanizacyi, a vice-prezidentam zastaŭsia Dźmitryj Daŭhalonak. 3 lutaha NAK raspaŭsiudziŭ zajavu, što MAK pryznaŭ hetyja vybary. Akramia taho, była pryniataja pastanova «dać Biełarusi dostup da ŭsich prahram pa linii alimpijskaj salidarnaści». Miarkujučy pa ŭsim, havorka idzie pra hrantavyja vypłaty na apieracyjnyja vydatki i pracu administracyjnaha piersanału.
Ciapier čytajuć
«Nie vieru, što heta piša jana». Taćciana Martynava śćviardžaje, što Karpušonak taksama źnikła13
«Nie vieru, što heta piša jana». Taćciana Martynava śćviardžaje, što Karpušonak taksama źnikła
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary