Hramadstva66

«Biełarusy havorać» — novy tred, jaki ŭzvarušyŭ Threads

Apošnija dni stužka sacyjalnaj sietki achoplena biełaruskimi vysłoŭjami i zhadkami ab asablivaściach biełaruskaj havorki.

«Usia stužka ŭ pastach pra biełarusy havorać. Usiudy staŭlu łajk. Ale my ž viedajem, što biełarusy nie havorać «pastavić łajk», my havorym «cisnuć padabajku», — piša adna z karystalnic sacyjalnaj sietki Threads.

«Ja dakładna byŭ adnym ź pieršych, chto pačaŭ pisać pasty ŭ takim styli. Maja pieršapačatkovaja meta — zrabić tak, kab bolš ludziej daviedalisia ab Biełarusi i vyvučali biełaruskuju movu — byccam by pacichu zbyvajecca», — adznačaje inšy karystalnik.

«Boža, što za napaść. Biełarusy havorać toje, biełarusy havorać heta. Chiba što ja taksama patrapiła pad upłyŭ. Biełarusy nie havorać «Heta było daŭno», biełarusy havorać «Za polskim časam».

«Biełarusy nie havorać «Pustyja abiacańni», biełarusy kažuć «Abiacanki-cacanki, a durniu radaść!», — dadaje inšy.

Bolšaść karystalnikaŭ źviartajuć uvahu na biełaruskija adpaviedniki roznych ustojlivych vykazvańniaŭ. Bolš za 1400 łajkaŭ nabrała zaŭvaha ab tym, što biełarusy nie havorać «Nie vlezaj — ub́jot». Biełarusy kažuć «Nie čapaj, bo laśnie!»

Ludzi taksama zhadvajuć roznyja rehijanalizmy ci admietnyja frazy, jakija zrazumieje tolki žychar peŭnaj miascovaści, dzielacca ŭspaminami, cikavymi vypadkami z žyćcia.

«Da pieršaha kłasa žyła ŭ Vaŭkavyskim rajonie, potym pierajechała ŭ Minsk. I ja doŭha nie razumieła, čamu maje novyja siabry-adnakłaśniki pastajanna pierapytvajuć, što za słova ja havaru. Potym hadoŭ u 15 paznajomiłasia ŭ Minsku z čałaviekam z Hrodzienskaj vobłaści, i kali pačuła «ališ» — aaa, moj rodnieńki». Napeŭna, havorka idzie pra zvarot «ale ž», jaki pierajšoŭ i ŭ ruskuju movu.

Siarod dopisaŭ možna znajści i tyja, što adsyłajuć da viadomych biełarusam telepieradač i hierojaŭ:

«Biełarusy nie havorać «mama, nie pieražyvaj», biełarusy kažuć «usio narmalna mama, trem-biem-biem-biem-biem biem-biem!…», «Biełarusy nie havorać «Aleś Ždanovič». Biełarusy kažuć: «Malavanyč».

Jość i adsyłki da viadomych vysłoŭjaŭ: «Biełarusy nie havorać «S čieho načinajetsia Rodina». Biełarusy havorać «Ad pradziedaŭ spakon viakoŭ nam zastałasia Spadčyna».

«Biełarusy nie havorać «Hdie rodiłsia, tam i prihodiłsia». Biełarusy cytujuć Karatkieviča: «Kožny čałaviek nosić svajo nieba z saboj».

Bolš za tysiaču łajkaŭ nabraŭ voś hety žartaŭlivy post: «Ja ruskaja, muž — biełarus! Siońnia raskazała jamu pra fłešmob — miłyja pasty na biełaruskaj movie! Začytvaju jamu, ale fanietyka kulhaje( Pajšoŭ, nasmažyŭ mnie draniki — smačnyja! Źjeła dva, jon kaža — skažy «dziakuj»! Skazała. Jon mnie: ješ jašče draniki, akcent pakul nie prapaŭ».

Siarod załajkanych i taki: «Jašče niadaŭna ŭ Threads vyvučaŭ kazachskuju, ale apošnija niekalki dzion zasvojvaju biełaruskuju. Padobna, Threads pieratvarajecca ŭ Duolingo, a ja ŭ palihłota. Nie žartuj z vužom i durniem — abodva ŭkusiać».

Tak što dałučajciesia! Sumna nie budzie! Jak zaŭvažyła adna z karystalnic: «Biełarusyhovoriat — samaje lepšaje, što zdaryłasia ź biełarusami za apošnija niekalki hadoŭ».

Kamientary6

  • aa8
    19.02.2025
    Mch, nie ŭ "škaf", a ŭ šafu.
  • Łoł
    19.02.2025
    Niechta karystajecca hetym tredsam?)
  • Valadzimir
    19.02.2025
    Hy-hy. Rasiejcy raptoŭna zamiłavalisia biełorusskim słoviesnym kołoritom. K čiemu by eto?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Fardo bolš niama». ZŠA nanieśli ŭdary pa jadziernych abjektach u Iranie31

«Fardo bolš niama». ZŠA nanieśli ŭdary pa jadziernych abjektach u Iranie

Usie naviny →
Usie naviny

Vyzvaleny žurnalist «Radyjo Svabody» Ihar Karniej4

Siońnia było vyzvalena 14 palitviaźniaŭ25

Cichanoŭskaja adkazała Pucinu na jaho słovy pra nahu ruskaha sałdata21

Karbalevič adkazaŭ, chto z atačeńnia Łukašenki moh by jaho zamianić i čamu nie vieryć u pierajemnika Kolu7

U Lidzie mužčyna tajemna zdymaŭ na telefon pad sukienkaj u žančyny8

Zialenski pakazaŭ žurnalistam fatahrafii i pašparty rasijanaŭ, čyje cieły byli pieradadzieny Ukrainie jak pareštki ŭkrainskich sałdat6

Łukašenka — Kiełahu: Šumu vy narabili svaim pryjezdam18

Viačorka pra kanflikt ź jaho ŭdziełam na Schodzie nieabyjakavych: Heta pakazvaje samich udzielnikaŭ, jany sami zaprasili mianie40

Łukašenka sustreŭsia sa śpiecpasłańnikam Trampa Kitam Kiełaham24

bolš čytanych navin
bolš łajkanych navin

«Fardo bolš niama». ZŠA nanieśli ŭdary pa jadziernych abjektach u Iranie31

«Fardo bolš niama». ZŠA nanieśli ŭdary pa jadziernych abjektach u Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić