Administracyja Trampa pryhraziła adabrać u Harvarda prava na pryjom zamiežnych studentaŭ
Ministerstva ŭnutranaj biaśpieki ZŠA patrabuje ad univiersiteta da 30 krasavika pradastavić «padrabiaznyja zapisy» ab «niezakonnych i hvałtoŭnych dziejańniach» studentaŭ, jakija navučajucca ŭ Harvardzie na padstavie studenckaj vizy, piša Bi-bi-si.
U advarotnym vypadku Harvard pazbavicca prava prymać zamiežnych studentaŭ.
U Harvardzie raspaviali CNN, što jany viedajuć pra patrabavańni, ale prytrymlivajucca raniej ahučanaj pazicyi: univiersitet nie budzie achviaravać svajoj niezaležnaściu abo admaŭlacca ad svaich kanstytucyjnych pravoŭ.
Zamiežniki, jakija płanujuć navučańnie ŭ ZŠA, pavinny atrymać vizu kłasa F abo M. Tolki navučalnyja ŭstanovy, siertyfikavanyja dla pryjomu studentaŭ i ŭdzielnikaŭ prahram abmienu (SEVP), mohuć vydavać nieabchodnyja dla atrymańnia vizy dakumienty.
Ministerstva ŭnutranaj biaśpieki kantraluje SEVP i moža adklikać siertyfikacyju navučalnaj ustanovy.
U 2024—25 navučalnym hodzie ŭ Harvardzie navučalisia 6793 zamiežnyja studenty; heta krychu bolš za 27% navučencaŭ i samy vysoki pakazčyk z 2006 hoda. Pavodle źviestak studenckaj haziety Harvard Crimson, z pačatku kanfliktu ŭniviersiteta z administracyjaj Donalda Trampa ŭ 12 studentaŭ i niadaŭnich vypusknikoŭ vizy byli adklikanyja.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary