Paśla načnoj ataki rasijskich bieśpiłotnikaŭ Kijeŭ i Čarkasy likvidujuć razburalnyja nastupstvy: pažary adbylisia ŭ žyłych damach, zhareli aŭtamabili, adzin čałaviek paciarpieŭ u Čarkasach, adzinaccać — u Kijevie.
U stalicy Ukrainy drony ŭdaryli pa troch rajonach — Abałonskim, Śviatošynskim i Šaŭčenkaŭskim. Jak pišuć ratavalniki, u Abałonskim rajonie pažar achapiŭ kvateru na apošnim paviersie 12-paviarchovaha doma i raspaŭsiudziŭsia na dach. U inšym miescy zaharelisia siem aŭtamabilaŭ kala žyłoha doma.
U Śviatošynskim rajonie zhareli try pryvatnyja damy. Pažary ŭźnikli va ŭsich troch adnačasova.
U Šaŭčenkaŭskim rajonie paškodžana elektraapora i darožnaje pakryćcio pad čyhunačnym mostam.
Kolkaść paciarpiełych u Kijevie na ranak niadzieli ŭzrasła da 11 čałaviek, ź ich — 2 dziaciej.
U toj ža čas u Čarkasach u vyniku načnoha abstrełu adbyłosia piać roznych uzharańniaŭ. Hareli kvatery, skład adnaho z pradpryjemstvaŭ, dačny dom.
Asabliva paciarpieŭ čatyrochpaviarchovy internat, dzie značnyja paškodžańni atrymali dźvie kvatery, raźbityja vokny ŭ inšych pamiaškańniach.
U Čarkasach paciarpieła adna žančyna.
Kamientary