Svabodny teatr pastaviŭ pa-biełarusku «Karala Lira» ŭ słavutym «Hłobusie»
Łondanskaja publika vyklikała biełaruskuju trupu «na pakłon» siem razoŭ.
Biełaruski svabodny teatr 18 maja zaviaršyŭ dvuchdzionny vystup na fiestyvali «Globe to Globe» ŭ Łondanie. Na scenie taho samaha Šekśpiraŭskaha «Hłobusa», zabaronieny ŭ Biełarusi teatr pakazaŭ svaju viersiju «Karala Lira».
Skazać, što biełarusy vystupili z pośpiecham — nie skazać ničoha, trupa «parvała» aŭdytoryju. Udzielnikaŭ pastanoŭki vyklikali «na pakłon» siem razoŭ,
a dyrektar «Hłobusa» Daminik Dramhuł nazvaŭ biełaruskuju viersiju «najdakładniejšym čytańniem kłasičnaj pjesy, jakoje jon bačyŭ u žyćci».
Pavodle słovaŭ Mikałaja Chalezina, što adaptavaŭ i pradziusavaŭ tekst pjesy, heta jaho pieršy i apošni dośvied pa pierapracoŭcy Šekśpira.
«Lahčej pisać svoj tekst, čym sprabavać skaracić tekst Šekśpira. Heta byŭ vyklik dla teatra, ź jakim my paśpiachova spravilisia,ale heta tolki adzin z vyklikaŭ, pierad nami ich šmat i tamu my pakidajem za saboj prava zajmacca inšym, aktualnym teatram», skazaŭ Mikałaj Chalezin.
Śpiecyjalna ŭ Łondan prylacieli kiraŭniki bujnych italjanskich teatralnych fiestyvalaŭ,
Na biełaruskuju premjeru pryjšli viadučyja brytanskija dramaturhi Tom Stopard, Kerył Čerčył, Mark Ravienchił.
Jak skazała dyrektar Biełaruskaha svabodnaha teatra Natalla Kalada, «
heta histaryčnaja padzieja dla biełaruskaha mastactva i krainy ŭ cełym. Karol Lir na šekśpiraŭskaj scenie zahavaryŭpa-biełarusku ».
Nahadajem, šaścitydniovuju fiestyval šekśpiraŭskich pjes «Hłobus na hłobus», u jakim prymajuć udzieł 37 hrupaŭ z roznych krainach, źjaŭlajecca častkaj Kulturnaj alimpijady, prymierkavanaj da Alimpijskich hulniaŭ u Łondanie ŭletku 2012 hoda. Pjesy kłasika anhlijskaj litaratury na fiestyvali vykonvajucca na 37 roznych movach: ad kitajskaj, urdu i armianskaj da anhlijskaj movy žestaŭ.
Biełaruski svabodny teatr pradstaviŭ svoj śpiektakl «Karol Lir» u pastanoŭcy Uładzimira Ščerbania i ŭ dramaturhičnaj adaptacyi Mikałaja Chalezina. Śpiektakl idzie na biełaruskaj movie.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Kamientary