Na źjeździe kampartyi ŭ Piekinie Kitaj pradstaviŭ novaje kiraŭnictva krainy, jakoje budzie znachodzicca va ŭładzie na praciahu nastupnaha dziesiacihodździa.
Namieśnik staršyni KNR Si Czińpin, jak i čakałasia, źmianiŭ Chu Czińtao na pasadzie hienieralnaha sakratara Kamunistyčnaj partyi.
Na raźvitańnie Chu pieraściaroh tavaryšaŭ pa partyi ad karupcyi, jakaja «moža akazacca dla partyi śmiarotnaj i navat vyklikać krach partyi i dziaržavy».
Kolkaść členaŭ Pastajannaha kamiteta palitbiuro — najvyšejšaha orhana CK KPK, jak i pradkazvali naziralniki, skaraciłasia ź dzieviaci da siami.
Novyja lidary vyjšli da źjezda ŭ paradku staršynstva, i adrazu paśla abviaščeńnia pra abrańnie Si Czińpina na pasadu hienieralnaha sakratara kampartyi jaje novy lidar vystupiŭ z pramovaj.
U svaim vystupie, jaki ŭ pramym efiry tranślavali kitajskaje dziaržaŭnaje telebačańnie i mižnarodnyja ŚMI, Si Czińpin skazaŭ: «My budziem rabić usio mahčymaje, kab apraŭdać vaš davier i vykanać našu misiju».
Upieršyniu ŭ historyi źjezdaŭ KPK, adznačajuć naziralniki, lidar abyjšoŭsia ŭ svajoj pramovie biez cytat z Mao Czeduna i spačatku zhadaŭ narod, a partyju — užo ŭ druhuju čarhu.
«Unutry partyi zastajecca šmat prablem, jakija my pavinny nieadkładna vyrašyć. U pieršuju čarhu heta karupcyja. My prykładziem usie namahańni, kab vykaranić jaje. Usia partyja pavinna pastajanna zastavacca ŭ poŭnaj bajavoj hatoŭnaści», — skazaŭ jon.
Biełaruski IT-miljarder Hurski: Maju pieršuju žonku zabiŭ hiembler5
Kamientary