У абодвух выпадках кіроўцы былі раней пазбаўленыя права кіравання аўто.
Мінулай ноччу п'яны мужчына вырашыў праскочыць перакрыжаванне на чырвоны сігнал святлафора, паведамляе сайт ДАІ Гродна і Гродзенскай вобласці.
У гэты момант на зялёны сігнал ехалі два аўтамабілі. Адзін з іх, «Форд», вырваўся наперад і атрымаў у бок моцны ўдар. Аўто раскруціла і яно ўдарылася ў асвятляльную мачту.
У легкавіку спрацавалі пяць падушак бяспекі, кіроўца не пацярпеў. Не атрымаў пашкоджанняў і віноўнік аварыі.
«Як апынуўся на скрыжаванні вуліцы Белуша і праспекта Кляцкова, і як адбылося ДТЗ, я не памятаю, бо засынаў за рулём», — напісаў у тлумачэнні парушальнік.
Затое не забыўся, што пры сустрэчы з сябрамі выпіў 100 грамаў гарэлкі, столькі ж віна і паўлітра піва.
Утрыманне алкаголю ў яго арганізме амаль у шэсць разоў перавысіла дапушчальнае. Парушальнік да аварыі быў пазбаўлены права кіравання.
«Герой» другой гісторыі — кіроўца, якога шосты раз затрымалі нецвярозым за рулём. Гэта здарылася 1 кастрычніка 2013.
Ён быў пазбаўлены права кіравання да канца жніўня 2016 года, паўтара месяца таму быў ізноў затрыманы п’яным, за што быў пакараны штрафам у памеры 3,5 млн руб.
Пасля апошняга затрымання на яго завядуць крымінальную справу.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля4
Каментары