Суд па цяжкіх злачынствах прызнаў яго вінаватым па трох артыкулах крымінальнага кодэксу: пагроза тэрарызму, ухіленьне ад сплаты падаткаў і распальваньне нацыянальнай варожасьці.
У Азэрбайджане да васьмі гадоў зьняволеньня асуджаны заснавальнік і рэдактар газэт «Рэальны Азэрбайджан» і «Гюндзелік Азэрбайджан» Эйнула Фатулаеў.
Суд па цяжкіх злачынствах прызнаў Фатулаева вінаватым па трох артыкулах крымінальнага кодэксу: пагроза тэрарызмам , ухіленьне ад уплаты падаткаў і распальваньне нацыянальнай розьні. Фатулаеў таксама абавязаны выплаціць больш за 230 тысяч даляраў штрафу за ўтойваньне даходаў ад падаткаў.
У красавіку Фатулаеў быў вырачаны на два з паловай гады турмы па абвінавачаньні ў напісаньні паклёпніцкага артыкулу пра Карабаскі канфлікт.
На гэты раз нагодай для судовага разьбіральніцтва стаўся артыкул «Аліевы рыхтуюцца да вайны». У ім гаварылася пра магчымую ракетную атаку Азэрбайджану з боку Ірана ў выпадку ваеннай апэрацыі Вашынгтона супраць Тэгерану. Сьледзтва ўгледзела ў гэтым артыкуле «пагрозу тэрарызму».
У часе суду Фатулаеў абвергнуў усе выстаўленыя абвінавачаньні й назваў іх сьмеху вартымі й неабгрунтаванымі.
Міжнародныя арганізацыі заклікалі ўлады Азэрбайджана вызваліць Фатулаева і яшчэ шасьцёх журналістаў, якія знаходзяцца ў зьняволені.
Цяпер чытаюць
Ціханоўскі расказаў, як сябе паводзіў Коля Лукашэнка на сустрэчы ў СІЗА14
Каментары