Кіраўнік «Белнафтахіма» Ігар Жылін адпраўлены ў адстаўку. Магчыма, арыштаваны
Расійскі менеджар паспеў атрымаць беларускае грамадзянства.
Пастановай урада №631 ад 30 чэрвеня быў вызвалены ад пасады кіраўнік «Белнафтахіма» Ігар Жылін.
Апроч таго, у інтэрнэце з'явіліся паведамленні аб ягоным арышце.
Паводле інфармацыі крыніцы рэсурсу «Хартыя-97», Жылін быў арыштаваны 1 ліпеня і змешчаны ў СІЗА.
Ураджэнец Арджанікідзэ (зараз Уладзікаўказ) Ігар Жылін, якому ў студзені споўнілася 73 гады, узначаліў канцэрн 4 лютага 2011 года. Дагэтуль (з 11 жніўня 2009 года) ён узначальваў прадпрыемства «Гродна-Азот». У 1990—1993 гадах быў дэпутатам Вярхоўнага Савета Расіі, з'яўляўся намеснікам старшыні парламенцкага камітэта па пытаннях эканамічнай рэформы і ўласнасці. З 2003 года працаваў тэхнічным кансультантам кампаніі «СярэднеАзГаз» (Масква), з 2006 года — першым намеснікам генеральнага дырэктара АТ «Энерджы Інвест» (Руставі, Грузія).
Па прыездзе ў нашу краіну Жылін атрымаў беларускае грамадзянства.
* * *
Ігар Жылін быў адным з атрымантаў элітнай зямлі ў Вяснінцы («Дразды-2»). Ягоныя суседзі расказвалі, што будаўнічыя матэрыялы на ўчастак гэтага занятага чалавека прывозяць пераважна ўначы.
Цяпер чытаюць
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай32
Каментары