У мінулую пятніцу ў магілёўскім сьледчым ізалятары адбылася сустрэча палітвязьня Артура Фінькевіча з адвакаткай Ганнай Рыбалка.
«Сьледзтва ў справе Артура ўжо скончылася, яшчэ ў панядзелак яе павінны былі накіраваць у пракуратуру, а цягам тыдня перадаць у суд», — кажа Ганна Рыбалка.
Артура Фінькевіча зьмясьцілі ў сьледчы ізалятар 26 кастрычніка. Супраць яго завялі крымінальную справу па арт. 415 КК РБ «Адмова ад адбываньня пакараньня ў выглядзе абмежаваньня волі». Паводле гэтага артыкулу Артуру можа пагражаць ад паўгоду да трох гадоў зьняволеньня.
Ганна Рыбалка не бярэцца прагназаваць, чым можа скончыцца суд: «Калі б гэта была звычайная крымінальная справа, то, найхутчэй, Артуру далі б сем ці адзінаццаць месяцаў арышту, але ж вы самі разумееце, што тут ня ўсё так проста».
Адвакатка кажа, што Артур прызнаў часткова сваю віну, але паказаньні яшчэ не даваў. Адносна ўмоваў утрыманьня палітвязьня ў СІЗА Ганна Рыбалка сказала, што Артур ні на што ня скардзіцца.
«Кажа, што там нават лепей, чым на Валадарцы. Ён рэгулярна атрымлівае перадачы. У ягонай камэры нямнога людзей, таксама мае прыязныя стасункі з адміністрацыяй ізалятара. Артур прасіў перадаць усім на волю прывітаньне, а таксама аддзячыць усім, хто яго падтрымлівае ў гэтыя нялёгкія дні», — сказала Г.Рыбалка.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары