Для краін-членаў ЕС прыспеў час прачнуцца і дапамагчы Украіне абараніцца, каб не быць вымушанымі пасля змагацца за сябе.
Пра гэта піша ў сваім артыкуле вядомы амерыканскі фінансіст і мецэнат Джордж Сорас.
На яго думку, санкцыі супраць Расеі неабходныя, аднак яны з'яўляюцца неабходным злом, паколькі аказваюць негатыўнае ўздзеянне не толькі на рускую, але і на еўрапейскія эканомікі.
«Разам з тым аказанне дапамогі Украіне ў барацьбе супраць расейскай агрэсіі акажа стымулюючае ўздзеянне не толькі на Украіну, але і Еўропу», — адзначае Сорас.
«Гэта прынцып, паводле якога еўрапейская дапамога павінна аказвацца Украіне», — дадае ён.
З асаблівай павагай у гэтым кантэксце Сорас звяртаецца да канцлера Германіі Ангелы Меркель, якая, па яго словах, павяла сябе як сапраўдная еўрапейка, рэагуючы на пагрозу ад Расеі, і была галоўнай прыхільніцай санкцый супраць РФ.
«Яна павінна быць нават больш засяроджанай на тым, каб дапамагчы Украіне, чым увесці санкцыі ў дачыненні да Расеі», — піша Сорас.
«Так ці інакш, унутраную супярэчнасць паміж тым, каб быць у стане вайны і заставацца прыхільнікамі жорсткай бюджэтнай эканоміі, павінна быць ліквідавана. Там, дзе ёсць воля, ёсць шлях», — піша мецэнат.
Сорас таксама выказвае сваю занепакоенасць «магчымай буйной угодай» паміж Пуціным і Абамам.
«Я падазраю, што можа быць перспектыва буйной угоды, у якой Расея будзе дапамагаць ЗША супраць ISIS, напрыклад, не будзе пастаўляць у Сірыю ракеты S300, як абяцала, захоўваючы такім чынам дамінаванне ЗША. І тады Расіі будзе дазволена ісці сваім шляхам у «блізкім замежжы», як называюць краіны, якія мяжуюць з Расеяй», — піша ён.
«Яшчэ горш тое, што прэзідэнт Абама можа прыняць такое пагадненне», — дадае Сорас.
Нагадаем, раней Джордж Сорас ініцыяваў стварэнне стратэгічнай групы дарадцаў для дапамогі ўкраінскай уладзе ў правядзенні рэформаў.
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары