Каб вызваліцца ад робата, 52-гадовай жанчыне прыйшлося выклікаць ратаўнікоў, піша Kotaku са спасылкай на паўднёвакарэйскую газету Kyunghyang Shinmun.
Калі жанчына ляжала на падлозе, робат выконваў уборку і не ўспрыняў яе за перашкоду. Робат працягнуў выконваць уборку і пачаў засмоктваць яе валасы. Жанчына была дома адна і не змагла самастойна вызваліць галаву, таму звярнулася па дапамогу пажарных.
Жанчына не пацярпела, лёс робата невядомы.
***
Адзін з трох законаў робататэхнікі Айзека Азімава кажа: «Робат не можа нашкодзіць чалавеку або, праз нячыннасць, дазволіць, каб чалавеку нашкодзілі». Тры законы робататэхнікі шырока распаўсюджаныя ў навукова-фантастычнай літаратуры, але не прынятыя ў рэальным свеце.
Гэта не першы выпадак, калі робат-пыласос шкодзіць чалавеку. Так, у 2013 годзе робат-пыласос у Аўстрыі «здзейсніў самагубства»: сцвярджаецца, што выключаны робат сам запусціўся і заехаў на электрапліту, спаліўся сам і падпаліў увесь дом. Пажарныя эвакуявалі будынак і патушылі пажар, ніводны чалавек не пацярпеў.
Першы выпадак забойства робатам чалавека зафіксаваны ў 1971 годзе. Тады зламаны робат скінуў рабочага завода Кавасакі ў драбілку, чалавек не выжыў.
Цяпер чытаюць
Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго1
Каментары