Італьянскі сенат ухваліў законапраект, які прадугледжвае легалізацыю грамадзянскіх саюзаў аднаполых пар.
corriere.it
За прыняцце праекта прагаласавалі 173 сенатары, супраць — 71. Законапраект яшчэ павінна ўхваліць ніжняя палата парламента. Прэм'ер-міністр краіны Матэа Рэнца назваў галасаванне «гістарычным».
Калі праект прымуць, у аднаполых пар з'явяцца правы падзелу маёмасці і права атрымання ў спадчыну.
З дакумента выключылі норму аб праве аднаполых пар усынаўляць дзяцей. У сувязі з гэтым італьянская ЛГБТ-супольнасць назвала законапраект «здрадніцкім».
У канцы студзеня ў сувязі з чаканым прыняццем законапраекта ў Італіі адбыліся маштабныя акцыі пратэсту як прадстаўнікоў ЛГБТ-супольнасці, так і праціўнікаў легалізацыі аднаполых саюзаў.
Італія застаецца адзінай з буйных еўрапейскіх краін, дзе да гэтага часу не дазволены ні аднаполыя грамадзянскія саюзы, ні гей-шлюбы.
Гей-саюзы дазволеныя мясцовым заканадаўствам у некаторых муніцыпалітэтах, але на нацыянальным узроўні яны забароненыя.
У мінулым годзе Еўрапейскі суд па правах чалавека пастанавіў, што адсутнасць у Італіі нормаў аб аднаполых саюзах або шлюбах з'яўляецца парушэннем правоў чалавека.
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі2
Каментары