22 мая галандская кампанія «Хайнекен» афіцыйна аб'явіла аб набыцці кантрольнага пакета акцый ААТ «Рэчыцапіва».
Як паведамляе афіцыйны сайт кампаніі «Хайнекен», па ўмовах пагаднення галандскі бок інвестуе 9,9 млн. долараў ЗША ў павелічэнне акцыянернага капіталу ААТ «Рэчыцапіва». Пасля гэтай здзелкі «Хайнекен» плануе заняць да 25% беларускага рынку піва.
«Пасля набыцця піўзавода «Сябар» у снежні 2007 года гэтая здзелка пацвярджае нашу веру ў патэнцыял беларускага рынку піва, — цытуе прэс-рэліз рэгіянальнага дырэктара «Хайнекен» у Цэнтральнай і Усходняй Еўропе Ніка Нусмеера. — Камбінацыя «Сябра» і «Рэчыцапіва» дазволіць заняць нам вядучую пазіцыю на рынку Беларусі і створыць устойлівую платформу для росту нашых расійскіх брэндаў».
Даведка БелаПАН. Завод «Рэчыцапіва» ўведзены ў дзеянне ў 1975 годзе. У 2000 годзе пераўтвораны ў сумеснае беларуска-літоўскае ААТ. Магутнасці прадпрыемства па вытворчасці піва цяпер складаюць 5,2 млн. дал за год. Прадпрыемства рэалізуе прадукцыю пад гандлёвымі маркамі «Рэчыцкае», «Дняпроўскае», «BergG».
Піваварная кампанія Heineken N.V. была заснавана ў 1864 годзе. Яна валодае магутнасцямі ў 65 краінах, у яе склад уваходзіць 119 піўзаводаў. Па аб'ёмах піваварэння кампанія займае трэцяе месца ў сусветным рэйтынгу вытворцаў піва і першае месца — у Еўропе.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве2
Каментары