Кіраўнік Беларусі, прэзідэнт НАК Аляксандр Лукашэнка абураны дзеяннямі прадстаўнікоў Міжнароднага паралімпійскага камітэта ў дачыненні да спартсменаў і членаў беларускай дэлегацыі на адкрыцці Паралімпіяды ў Рыа. Пра гэта заявіла журналістам прэс-сакратар кіраўніка дзяржавы Наталля Эйсмант.
«Дзеянні Міжнароднага паралімпійскага камітэта працягваюць выклікаць здзіўленне. Нават журналісты ведаюць не ўсе факты, — адзначыла прэс-сакратар. — Паводле маёй інфармацыі, сама цырымонія, працэдура вынасу расійскага сцяга нашай дэлегацыяй павінна была выглядаць зусім інакш:
за нашым асноўным сцяганосцам-вазочнікаў у дэлегацыі выязджалі яшчэ чатыры вазочнікі, і менавіта ў іх пры выездзе на стадыён былі два вялікія сцягі - беларускі і расійскі. Менавіта яны павінны былі везці побач гэтыя сцягі на чале беларускай дэлегацыі. Але міжнародныя спартыўныя функцыянеры нядоўга думаючы скруцілі нашых алімпійцаў-калясачнікаў, адабралі ў іх гэтыя сцягі і не дазволілі людзям ціха, спакойна і мірна выказаць сваё меркаванне».
«Гэты факт абурыў многіх, асабліва абурыў прэзідэнта нашай краіны», - падкрэсліла Наталля Эйсмант.
Яна таксама пракаментавала нядаўнюю навіну аб тым, што беларускі чыноўнік, якi вынес расійскі сцяг, быў пазбаўлены акрэдытацыі на Паралімпіядзе ў Рыа-дэ-Жанейра. «Гэтым фактам таксама вельмі многія абураныя. У чарговы раз Міжнародны паралімпійскі камітэт паказаў сваю так званую дэмакратычнасць. Гэтым фактам абураны прэзідэнт Беларусі. Тым, што чалавеку зачынілі рот і цяпер не даюць выконваць свае прамыя абавязкі», - заявіла прэс-сакратар кіраўніка дзяржавы.
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі5
Каментары