24 студзеня ўступіў у законную сілу прысуд 66-гадоваму жыхару Баранавічаў за распусныя дзеянні ў дачыненні да малалетніх дзяцей.
Як паведаміла старшы пракурор аддзела пракуратуры Брэсцкай вобласці Надзея Некрашэвіч, днём 25 ліпеня 2016 года пенсіянер у Баранавічах у адным з сквераў дэманстраваў свае геніталіі дзвюм сямігадовым дзяўчынкам, якія гулялі паблізу. Спалохаўшыся, дзеці ўцяклі і расказалі пра здарэнне бацькам. Пенсіянера затрымалі і распачалі крымінальную справу.
6 снежня суд Баранавіцкага раёна і горада Баранавічы прызнаў мужчыну вінаватым у распусных дзеяннях у дачыненні да асоб, якія заведама не дасягнулі шаснаццацігадовага ўзросту (ч. 1 арт. 169 КК) і прысудзіў да года пазбаўлення волі ў калоніі агульнага рэжыму з прымусовым лячэннем ад хранічнага алкагалізму.
Фігурант крымінальнай справы не прызнаў віну і абскардзіў прысуд.
24 студзеня судовая калегія па крымінальных справах Брэсцкага абласнога суда адхіліла яго скаргу і пакінула без змены прыгавор суда першай інстанцыі. Ён уступіў у законную сілу.
-
У аварыі ў Слуцкім раёне загінулі чатыры чалавекі з адной машыны
-
Жыхар Ваўкавыска падклаў пад штаны пластыкавы кантэйнер і стрэліў сабе ў нагу з вінтоўкі. Ён праводзіў цікавы эксперымент
-
«Забілі маю сястру, а праз некалькі месяцаў здарылася трагедыя са школьніцай». Беларускі — пра маньяка, якога лавілі 25 гадоў
Мінгандлю выпадкова зліло дакумент, у якім паказала, як і за што налічвае прэміі11
Каментары