У Іркуцкай вобласці Расіі завялі крымінальную справу на выхавацельку дзіцячага садка, якая заклеіла рот скотчам аднаму са сваіх выхаванцаў. Педагог выклала адпаведнае фота ў Інстаграм і падпісала яго: «Бо нефіг даводзіць Аляксандру Віктараўну да шалу».
Справай выхавацелькі займаецца расійскі Следчы камітэт. Жанчыну падазраюць у катаваннях. Выхаванцы дашкольнай установы знаходзіліся ў заведама бездапаможным стане і не маглі супрацьстаяць здзекам, лічаць следчыя.
Сама выхавацелька патлумачыла свае дзеянні тым, што такім чынам хацела ў форме гульні стварыць цішыню ў групе для чытання ўголас казкі, таму заклеіла рот сабе, а затым ужо дзеці самастойна перанялі яе прыклад.
Летась у Расіі здарылася два падобныя інцыдэнты, пасля якіх звольнілі дзвюх выхавацелек, перадае ВВС.
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары