Журналіст «Моцных навін» Дзяніс Якштас так і не выйшаў на волю пасля 15 сутак. Чакаецца новы суд
Сёння, 18 кастрычніка, пасля 15 дзён арышту на свабоду так і не выйшаў журналіст гомельскіх «Моцных навін» Дзяніс Якштас. У дачыненні да яго распачаты новы адміністрацыйны працэс. У ІЧУ ён будзе да суда, паведамляе выданне.
Дзяніса затрымалі 3 кастрычніка. У той дзень ён збіраўся ехаць у грыбы, але так і не даехаў. На прыпынку «кінатэатр Кастрычнік» яго затрымалі супрацоўнікі АМАПа і адвезлі ў РАУС Савецкага раёна. Там ён даведаўся, што яго абвінавачваюць па артыкуле 23.34 за ўдзел у мірнай акцыі, якая прайшла 27 верасня, на якой ён працаваў у якасці журналіста.
У той жа дзень супрацоўнікі АМАПа, якія прыехалі да яго дадому, дзе знаходзілася яго жонка Ганна Якштас, галоўны рэдактар «Моцных навін», і адно з дзяцей. Супрацоўнікі канфіскавалі ўсю тэхніку і затрымалі Ганну, паведаміўшы, што ў дачыненні да яе вядзецца адміністрацыйны працэс паводле артыкула 23.34 за ўдзел у акцыі.
Каментары