Расія зможа перадаць ЗША Аляксея Навальнага толькі ў тым выпадку, калі высветліцца, што ў яго ёсць амерыканскае грамадзянства і ён працуе на спецслужбы.
Пра гэта заявіў прэс-сакратар расійскага прэзідэнта Дзмітрый Пяскоў у эфіры «Эха Масквы», піша РБК.
«Калі раптам пацвердзіцца амерыканцамі афіцыйна, што ён грамадзянін Злучаных Штатаў і працуе на спецслужбы. Па-іншаму ніяк», — сказаў Пяскоў.
Пяскоў адзначыў, што пытанне Навальнага ўздымалася падчас размовы ў вузкім складзе на ўчорашнім саміце Уладзіміра Пуціна і Джо Байдэна ў Жэневе.
«Размова пра Навальнага прайшла ў дзяжурным ключы. Тэма сапраўды закраналася, яна была пазначаная прэзідэнтам ЗША. І следам быў адказ ад прэзідэнта Расіі. І, як вы разумееце, даслоўна вузкі склад ніколі не пераказваецца», — дадаў прэс-сакратар.
Ён таксама адзначыў, што падчас сустрэчы магчымасць выдачы або абмену Навальнага ЗША не абмяркоўвалася. У той жа час абмен зняволенымі асобамі прэзідэнты закраналі.
Цяпер чытаюць
Ваяр з Беларускага добраахвотніцкага корпуса: Я жыў у ружовай бурбалцы2
Каментары