«Фізічную сілу не ўжывалі». Беларускія памежнікі патлумачылі, чаму са шчытамі гналі мігрантаў
У телеграм-канале Дзяржпамежкамітэта з'явіўся каментар наконт выпадку на беларуска-літоўскай мяжы. Літоўскія СМІ распаўсюдзілі відэа, на якім беларускія памежнікі гоняць мігрантаў да мяжы. У беларускім ведамстве заявілі, што ўсё адбывалася на мінулым тыдні.
«На кадрах відаць, што мігранты знаходзіліся ля нашай мяжы і не рухаліся ў Беларусь нават пры адсутнасці беларускіх памежнікаў. Гэта даказвае той факт, што яны не мелі намеру рухацца на тэрыторыю нашай краіны», — паведаміў Дзяржпамежкамітэт.
Дзеянні сілавікоў называюць «аператыўным прыкрыццём рэзервам Смаргонскай памежнай групы для «прадухілення незаконнага перасячэння мяжы з Літвы».
«З відэа зразумела, што фізічная сіла да мігрантаў беларускім бокам не ўжывалася», — запэўнілі ў беларускім памежным ведамстве і дадалі, што замежнікі знаходзілася ля мяжы каля 8 дзён пасля чаго сышлі ўглыб тэрыторыі Літвы.
Раней, у прыватнасці, былы міністр замежных спраў Лінас Лінкявічус размясціў відэа, на якім бачна, як беларускія памежнікі са шчытамі гоняць мігрантаў, што знаходзяцца паміж памежнымі слупамі, у бок мяжы Літвы.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку90
Каментары