Прэзідэнт ЗША Джо Байдэн падчас прыватных сустрэч у жартаўлівай форме выказваўся пра лідараў краін, якія ўдзельнічаюць у вырашэнні ўкраінскага крызісу, а таксама пра Уладзіміра Пуціна, паведамляе тэлеканал NBC са спасылкай на свае крыніцы.
У прыватнасці, Пуціна Байдэн апісаў як «хлопца з ядзернай зброяй і без сяброў», піша NBC.
Пра канцлера Германіі Олафа Шольца ён, паводле суразмоўцаў тэлеканала, сказаў, што гэта «не Ангела Меркель», а манеру трымацца прэм'ер-міністра Вялікабрытаніі Борыса Джонсана назваў «шумнай». Акрамя таго, амерыканскі лідар мяркуе, што прэзідэнт Францыі Эманюэль Макрон «хоча быць Шарлем дэ Голем», удакладнілі крыніцы.
Прадстаўнік Рады нацбяспекі ЗША Эмілі Хорн заявіла NBC, што гэтыя «ананімныя чуткі ніякім чынам не адлюстроўваюць таго, што прэзідэнт кажа ці думае пра сваіх калег, якіх ён паважае і шануе».
Цяпер чытаюць
Лукашэнку на свяце ў Александрыі суправаджала афіцэр Зайцава10
Каментары